«Nur Otan» پارتياسىنىڭ ءتوراعاسى، ەلباسىنىڭ 2019 جىلى «جاستار جىلى» اياسىندا «جاس مامان» جوباسىنىڭ ورىندالۋىن باقىلاۋ ماقساتىندا ءبىلىم جانە عىلىمدى دامىتۋ جونىندەگى رەسپۋبليكالىق قوعامدىق كەڭەستىڭ ءتورايىمى، ءماجىلىس دەپۋتاتى، «Nur Otan» پارتياسى فراكسياسىنىڭ مۇشەسى سۇلەيمەنوۆا جۇلدىز دوسبەرگەن قىزى شىمكەنتتەگى ەكى كوللەدجدى ارالادى.

الدىمەن قالاداعى №5 «جەڭىل ونەركاسىپ جانە سەرۆيس كوللەدجىنىڭ» ۇجىمىمەن كەزدەسىپ، وقۋ ورنىنىڭ ماتەريالدىق-تەحنيكالىق جاعدايىمەن تانىستى.

اتالمىش ءبىلىم مەكەمەسىندە بۇگىنگى تاڭدا مىڭنان اسا شاكىرت تاربيەلەنۋدە. ولار تىگىن ءوندىرىسى جانە كيىمدەردى ۇلگىلەۋ، تىگىنشى، ارنايى تىگىنشى، مودەلەر-پىشۋشى، تەحنيك-تەحنولوگ، توقىما ءوندىرىسى، توقىما ماشيناسىنىڭ وپەراتورى ماماندىقتارى بويىنشا ءبىلىم الۋدا.

ودان سوڭ ءماجىلىس دەپۋتاتى شىمكەنتتەگى جول-كولىك كوللەدجىنە باردى. بۇل وقۋ ورنىندا «جاس مامان» جوباسى بويىنشا گاراج كەشەنىندە «جەڭىل اۆتوكولىككە قىزمەت كورسەتۋ جانە جوندەۋ»، «جۇك كولىگىنە قىزمەت كورسەتۋ»، «شاناق جوندەۋ» قۇزىرەتتىلىك الاڭدارى، «قوزعالتقىشتار مەن ترانسميسسيالاردى بولشەكتەۋ قۇراستىرۋ» زەرتحانالىق كابينەتى اشىلىپ، جاڭا قۇرال-جابدىقتار ورناتىلعان.

«جاس مامان» جوباسىنىڭ نەگىزگى ماقساتى - حالىقارالىق ستاندارتتار تالاپتارىنا ساي جوعارى بىلىكتى مامانداردى دايىنداۋ جانە حالىقارالىق ستاندارتتارعا سايكەس زاماناۋي ۇلگىدەگى قۇرال-جابدىقتاردى جاڭارتۋ.

جوبا اياسىندا كوللەدجدەردىڭ ماتەريالدىق-تەحنيكالىق بازاسىن حالىقارالىق ستاندارتتار تالاپتارىنا ساي، سوڭعى زاماناۋي ۇلگىدەگى قۇرال-جابدىقتارمەن قامتاماسىز ەتۋ - ءبىلىم ساپاسىن كوتەرۋ جولىندا وڭ سەرپىن بەرەرى ءسوزسىز.