وسى ورايدا، ءىستىڭ باسى قاسىندا جۇرگەن «SHYMKENT» اكك ينۆەستور تارتۋدا بيىلعى جىلدىڭ كورسەتكىشى قۋانتارلىق ەكەنىن جەتكىزدى. كوبىندە ءۇي قۇرىلسىنا قىزىعۋشىلىق تۋىندايدى.

قازىرگى تاڭدا «Shymkent «اكك» جەكە ينۆەستورلارمەن بىرلەسىپ، جالپى سوماسى 527،5 ملرد.تەڭگەگە 45 ينۆەستيسيالىق جوبانى ىسكە اسىرۋ بويىنشا جۇمىستار جۇرگىزىلىپ جاتىر ەكەن. ونىڭ 22 جوباسى بويىنشا جەر ۋچاسكەلەرىنە قۇقىق بەرىلسە، قالعان 23 جوبا قۇقىق بەرىلۋ ساتىسىندا ەكەنىن باسقارما ءتوراعاسى باۋىرجان كانكين مالىمدەدى.

باۋىرجان كانكين، «Shymkent «اكك» باسقارما ءتوراعاسى
- ەلىمىزدەگى ءۇشىنشى مەگاپوليسكە تارتىلعان ينۆەستورلاردىڭ كوبىسى تۇرعىن ءۇي سالاسىنا قىزىعۋشىلىق تانىتادى. بۇل سالادى جالپى ينۆەستيسيا سوماسى 495 ملرد تەڭگە ال، جالپى قۋاتى 1 769 589 شارشى مەتر بولاتىن كوپ قاباتتى تۇرعىن ءۇي قۇرىلىسىنىڭ 25 وبەكتىسىن سالۋ جوسپارلانۋدا. كوپقاباتتى تۇرعىن ءۇي قۇرىلىسى سالاسىنداعى ينۆەستورلار قاتارىندا ءىرى كومپانيالار بار.

«Shymkent «الەۋمەتتىك-كاسىپكەرلىك كورپوراسياسى»-مەن بىرلەسىپ ىسكە اسقان ينۆەستيسيالاردىڭ جالپى سوماسى 387 ملرد تەڭگەدەن اسىپ وتىر. بۇل وتكەن جىلمەن سالىستىرعاندا ءۇش ەسە كوپ، دەيدى باۋىرجان كانكين. وسى ورايدا، جالپى ءبىلىم بەرەتىن مەكتەپتەردىڭ قۇرىلىسى بويىنشا جوبالار قاتارى 13 ينۆەستيسيالىق جوبانى قۇراپ، جالپى ينۆەستيسيا سوماسى 25،9 ملرد.تەڭگە توڭىرەگىندە. جەكەمەنشىك ارىپتەستىك اياسىندا سالىنعان مەكتەپتەر قاجەتتىلىكتى 54 پايىزعا وتەۋگە قاۋقارلى.

ايتا كەتەيىك، دەنساۋلىق ساقتاۋ سالاسىندا ينۆەستيسيا جالپى سوماسى 9،5 ملرد تەڭگەگە جانە جالپى قۋاتى كۇنىنە 3500 ادام قابىلدايتىن 8 دەنساۋلىق ساقتاۋ نىسانىنىڭ قۇرىلىسى بويىنشا ينۆەستيسيالىق جوبالاردى ىسكە اسىرۋ بويىنشا جۇمىستار جۇرگىزۋدە.