«Nur Otan» پارتياسىنىڭ جانىنداعى ءبىلىم جانە عىلىمدى دامىتۋ جونىندەگى رەسپۋبليكالىق كەڭەستىڭ ءتوراعاسى، «Nur Otan» فراكسياسىنىڭ مۇشەسى، ءماجىلىس دەپۋتاتى، جۇلدىز دوسبەرگەن قىزى قالاداعى جەكەمەنشىك نەگىزدە اشىلعان مەكتەپتەردىڭ جۇمىس بارىسىمەن تانىستى.

«Nur Otan» پارتياسىنىڭ سايلاۋالدى باعدارلاماسىن ىسكە اسىرۋ تۋرالى «وزگەرىستەر جولى: بارشاعا لايىقتى ءومىر!» شىمكەنت قالاسىنىڭ جول كارتاسىندا ءبىلىم سالاسىنا جالپى 13 تاپسىرما باعىتتالىپ، بۇگىنگى تاڭدا ونىڭ 5ء-ۋى تولىق ورىندالعان. ءۇش اۋىسىمدى مەكتەپتەردىڭ ماسەلەسىن شەشۋ ماقساتىندا جەكەمەنشىك مەكتەپتەر اشىلۋدا.

باسىندا تويحاناعا ارنالىپ سالىنعان عيمارات (وڭتۇستىك قابىلداۋ) بۇگىندە جان باسىنا قارجىلاندىرۋ ەسەبىنەن قايتا قۇرىلىمداۋ ارقىلى مەكتەپ بولىپ وزگەرتىلگەن. «ال-فارابي» اكادەميالىك مەكتەبى وقۋشىلارعا زاماناۋي تالاپتارعا ساي ءبىلىم بەرۋدە.

قازىرگى تاڭدا 1386 وقۋشىنىڭ ءبىلىم دەڭگەيىن كوتەرۋ ءۇشىن فينليانديا ەلىنىڭ وقۋ باسقارماسىمەن كەلىسىم شارت جاساپ، فيندىق جۇيەنى ءبىلىم باعدارلاماسىنا قوسۋدى جۇزەگە اسىرۋدا.

شىمكەنت قالاسىندا 2021-2022 وقۋ جىلىندا پايدالانۋعا بەرىلگەن 1500 وقۋشىنى قامتيتىن «نيزامحان» ورتا مەكتەبىندە مەملەكەتتىك ستاندارتقا سايكەس ءبىلىم بەرىلەدى. وقۋ ەكى تىلدە جۇرگىزىلىپ، بالالار تەگىن وقىتىلادى. وقۋشىلارعا قوسىمشا ۇيىرمەلەر، سپورت سەكسيالارى، روبوتوتەحنيكا، بي، دومبىرا ۇيىرمەلەرى اشىلعان.

بالالاردى ساپالى بىلىممەن قامتاماسىز ەتۋ جانە ءۇش اۋىسىمدى مەكتەپتەردىڭ سانىن ازايتۋ «Nur Otan» پارتياسىنىڭ ءجىتى باقىلاۋىندا.