زاڭگەر، قۇقىققورعاۋشى ابزال قۇسپان بەلسەندى رۋزا بەيسەنبايتەگىنىڭ ءىستى بولۋىنا بايلانىستى پىكىر ءبىلدىرىپ، ماسەلەنىڭ ءمان جايىن ءتۇسىندىردى.
قۇقىققورعاۋشى داۋ پوليسەيلەردەن باستالعانىن ايتادى.
– رۋزا اپاي كوشى-قون كوميتەتىنىڭ پاۆلودارلىق باسقارماسىنا ورالمان-قانداس اعايىنداردىڭ قۇقىعىن قورعاپ بارادى. قانداستاردىڭ باسىم بولىگى ورىس ءتىلىن بىلمەيدى، ال الگى جەردە بارلىق ءىس قاعازدارى ورىس تىلىندە، ال قىزمەتكەرلەرى وڭشەڭ قازاق، ابسۋرد ءيا ؟! ءۇزىن-سوزدىڭ قىسقاسى رۋزا اپاي بۇعان دەيىنا دە تالاي كەلگەنىن، جاعدايدىڭ ەش وزگەرمەگەنىن ايتىپ، ورىس تىلىندەگى كورنەكى اقپاراتتاردى جىرتىپ ۋرناعا لاقتىرىپ تاستايدى جانە ورىسش شاڭكىلدەپ جۇرگەن ءبىر ايەلگ قارات "قاتىن" دەگەن ءسوزدى قولدانادا. سول ءۇشىن الگىلەر رۋزى اپايدىڭ ۇستىنەن ارىز تۇسىرەدى، ول قىلمىستىق ىستەردى تىركەيتىن رەەسترگە تىركەلەدى، كەيىنا رۋزا اپايدىڭ "قىلمىسىن" ۇساق بۇزاقىلىق دەگەن باپپنى اكىمشىلكي ىسكا اۋىستىرىپ، حاتتام تولتىرادى. قىزىعى سول، حاتتامادا قاتىنعا قاراتا ايتىلعان "قاتىن" دەگەن ءسوزدى بالاعات ءسوز دەپ كورسەتكەن!
اكىمشىلىك ءىس بۇگىنگە 13.10.2021 ج.، ساعات كەشكى 17.00-گە تاعايىندالعان، ءبىراق ول ءىستى قاراۋ كەيىنگە قالدىرىلادى دەپىرمىز، سەبەبى، رۋزا اپايدىڭ ءىى اسەكەڭ پوليسيا قىزمەتكەرلەرىنىڭ زاڭسىز ارەكەتىنە قاتىستى شاعىم ءتۇسىردى، ول ءوز كەزەگىندە اكىمشىلىك ءىستىڭ ءمانى بويىنشا قارالۋىن كەيىنگە قالدىرۋى وت دەپوزيتا. زاڭ بويىنشا سولاي ...، – دەگەن زاڭگەر جەلىدەگى جازباسىنىڭ سوڭىنا "جالعاسى بار" دەپ جازعان.
كەشە پاۆلودارلىق بەلسەندى، قازاق تىلىندە قىزمەت كورسەتۋدى تالاپ ەتىپ جۇرگەن رۋزا بەيسەنبايتەگىن پوليسيا بىرنەشە ساعات ۇستاپ، كەيىن بوساتقان. بەلسەندى ءوزىن ەش ەسكەرتپەستەن، كولىككە كۇشتەپ وتىرعىزعانىن ايتقان. ول ۇستىنەن ارىزدانعان كوشى-قون پوليسياسىنىڭ قىزمەتكەرلەرى "ۇكىمەت قاعازىن جىرتىپ تاستادى" دەگەندى ايتىپ وتىر دەيدى. رۋزا بەيسەنبايتەگى بۇل ارەكەتكە ءماجبۇرلى تۇردە بارعانىن ايتادى. ويتكەنى بۇعان دەيىن تالاي مارتە ءوتىنىش، ەسكەرتۋ جاساپ ءجۇرىپ، ءوتىنىش بلانكتەردىڭ قازاق تىلىندەگى ۇلگىسىن ۇسىنۋعا قول جەتكىزە الماعان. ول قىتايدان، مونعوليادان كەلگەن ورىسشا بىلمەيتىن قانداستار مۇنداي قۇجاتتاردى تۇسىنبەي، ءتۇرلى قيىندىققا تاپ بولادى دەيدى. بەلسەندىگە بۇعان دەيىن ەسىمىن اتاماۋدى وتىنگەن شەتەلدەن كەلگەن قانداس كوشى-قون پوليسياسى ىقتيار حاتتان باستاپ، وزگە دە قۇجاتتاردى جاساۋعا 200 مىڭ تەڭگە سۇراعانىن جەتكىزگەن. سوزىنشە، كوشى-قون پوليسياسى پارا الۋ ءۇشىن ادەيى قازاقشا قىزمەت كورسەتپەي، تەك ورىسشا عانا سويلەيدى. ول ازاماتتاردىڭ قازاقستاندا مەملەكەتتىك تىلدە قىزمەت الۋ قۇقىعى تاپتالىپ جاتقانىنا، قۇزىرلى ورگانداردىڭ سول قۇقىقتىڭ ساقتالۋىنا بەي-جاي قارايتىنىنا اشىنادى.
