شىعىس قازاقستان وبلىسىنىڭ اكىمى دانيال احمەتوۆ سەمەي مەن وسكەمەندەگى پوليسەيلەرگە كوروناۆيرۋسقا قارسى ەكپە سالدىرماعان تۇرعىندار تۋرالى اقپارات بەرۋدى تاپسىردى.
– سارسەنبى كۇنى سىزدەر ماعان تولىق اقپارات بەرۋلەرىڭىز كەرەك. وسكەمەن مەن سەمەيدە ۋچاسكەلىك پوليسەيلەر پاتەرلەردى ارالاپ، ۆاكسينا سالعىزباعان ازاماتتاردى انىقتاۋعا ءتيىس. پوليسيا دەپارتامەنتى بۇل جۇمىستى جۇرگىزىپ جاتىر دەپ ۇمىتتەنەمىن، – دەدى دانيال احمەتوۆ.
ونىڭ ايتۋىنشا كوروناۆيرۋستىڭ الدىن الۋ جانە ونىڭ تارالۋىنا جول بەرمەۋدە ۆاكسينالاۋ جالعىز ءتيىمدى جول. رەسپۋبليكا بويىنشا شىعىس قازاقستان جاقسى ناتيجە كورسەتىپ وتىر. حالىقتىڭ 48،7 پايىزى ەكپە العان.
– كورشى ەلدەردە ءقازىر قالىپتاسقان جاعداي الاڭداتىپ وتىر. سوندىقتان پروفيلاكتيكالىق، اناليتيكالىق جۇمىستار مەن ۆاكسينالاۋ ناۋقانىنا قۇقىق قورعاۋ ورگاندارىن جۇمىلدىرۋدىڭ ماڭىزى زور، – دەدى ول.
پىكىر قالدىرۋ