ۇكىمەت باسشىسى اسقار مامين 2022 جىلدىڭ دەمالىس كۇندەرىن اۋىستىرۋ تۋرالى قاۋلىعا قول قويدى. وسىعان بايلانىستى قازاقستاندىقتار كەلەر جىلى قانداي مەرەكەلەردە قانشا كۇن دەمالاتىندىقتارى بەلگىلى بولدى. 

ەلدە قاڭتاردىڭ 1 مەن 2ء-سى كۇندەرى جاڭا جىلعا وراي رەسمي تۇردە دەمالىس كۇنى سانالادى. ال 2022 جىلدارى بۇل كۇندەر سەنبى مەن جەكسەنبىگە كەلىپ تۇر. سوندىقتان 3ء-ى مەن 4ء-ى دۇيسەنبى مەن سەيسەنبى دە قازاقستاندىقتار ءۇشىن دەمالىس بولىپ بەلگىلەنەدى. 

قازاقستاندا 2 ءدىني مەرەكە بار.  2022 جىلدىڭ 7 قاڭتارى روجدەستۆو مەرەكەسى جۇما كۇنىنە ءتۇسىپ، 7، 8، 9 قاڭتار دەمالىس كۇنى بولادى.

حالىقارالىق ايەلدەر كۇنىنە وراي 6، 7، 8 كۇندەرى، ال ناۋرىز مەيرامىندا 19-23 ارالىعىندا 5 كۇن دەمالىس بولادى. 

1 مامىر - قازاقستان حالقىنىڭ بىرلىگى مەرەكەسى جەكسەنبىگە كەلگەندىكتەن 2 مامىر دا دەمالىس كۇنى سانالادى. ال 7 مامىر وتان قورعاۋشىلارى كۇنىمەن 9 مامىر جەڭىس كۇنىنە وراي 4 كۇن دەمالىس بولادى.

قۇربان ايتتىڭ ءبىرىنشى كۇنى 20 شىلدە سارسەنبى كۇندەرى دە دەمالىس بولىپ سانالادى. كونستيتۋسيا كۇنى  30 تامىز كەلەسى جىلى سەيسەنبىگە تۋرا كەلەدى. سوندىقتان 2022 جىلعى 27 تامىز سەنبىدەن 2022 جىلعى 29 تامىز دۇيسەنبىگە اۋىستىرىلدى.

ال 1 جەلتوقساندا تۇڭعىش پرەزيدەنتى كۇنى بەيسەنبىدە دەمالىس. سونداي-اق تاۋەلسىزدىك كۇنىنە وراي 16-نان 19-ىنا دەيىن دەمالىس بولادى.

سونىمەن 2022 جىلى 245 جۇمىس كۇنى مەن 120 دەمالىس كۇنى بولادى. كوپتەگەن مەرەكەلىك دەمالىس 3-4 كۇنگە سوزىلادى.