جامبىل وبلىسىنداعى اسكەري بولىمدەگى وق-دارىلەردى جويۋ جۇمىستارى باستالدى. ەندى بايزاق اۋدانىندا ءبىر اي بويى ءدۇمپۋ بولادى. ءقازىر قويماداعى ءقاۋىپتى قالدىقتاردى شالعايعا اپارىپ جارىپ جاتىر. بۇل تۋرالى حابار 24 حابارلادى. 

ءبىر كۇندە 6 رەت جارىلىس بولعان. قويمادان 400 كەلىدەي ءوق-دارى شىعارىلىپ جويىلعان. اسكەريلەر تۇرعىندارعا جارىلىس بولاتىندىعى جونىندە ەسكەرتتىك دەيدى. الايدا اسكەري بولىمگە ءتيىپ تۇرعان قاينار اۋىلىنىڭ تۇرعىندارى دۇمپۋدەن ابدەن مەزى بولعاندارىن ايتادى.  

– اتاتىنىن اتىپ، جاراتىندارىن جارىپ تەزىرەك بىتسە ەكەن. قورقىپ-قورقىپ ولەتىن بولدىق،  شىنى كەرەك. مەزى قىلدى، ابدەن شارشاپ كەتتىك. وسى سوڭعىسى بولسا ەكەن، بۇدان كەيىن بۇلاي بولماسىن، – دەيدى گۇلزيرا جامبىلوۆا ەسىمدى قاينار اۋىلىنىڭ تۇرعىنى. 

جارۋ جۇمىستارىنا ينجەنەرلىك-ساپەرلىك مامانداردان 20 شاقتى ادام جۇمىلدىرىلعان. ءقازىر تەك جارىلعان قويماداعى قالدىقتى زاتتار عانا جويىلىپ جاتىر. قويمادا قانشا جارىلعىش زات قالعانى بەلگىسىز.

اسكەريلەر ەندى مۇلدەم جارىلىس بولمايدى دەپ ايتا الماي وتىر. ال جوسپارلى جارۋ جۇمىستارى دۇيسەنبى مەن جۇما كۇندەرى ارالىعىندا جۇرگىزىلەدى. بۇل جۇمىستار 13-قاراشاعا دەيىن جالعاسپاق.