مەكتەپتى ۇزدىك بىتىرگەن وقۋشىلارعا ارنالعان «التىن بەلگى» مەدالىنىڭ ساتىلۋىنا قاتىستى ءبىلىم جانە عىلىم مينيسترلىگى تۇسىنىك بەردى.
– «التىن بەلگى» – اتاۋلى مەدال. ول جالپى ورتا ءبىلىم تۋرالى «التىن بەلگى» اتتەستاتىمەن بىرگە بەرىلىپ، قۇجاتىنا الۋشىنىڭ ءاتى-جونى جازىلادى. ياعني ونى بىرەۋگە بەرۋ نەمەسە ساتۋ مۇمكىن ەمەس، – دەدى ءبىلىم جانە عىلىم مينيسترلىگى باسپا ءسوز قىزمەتىنىڭ جەتەكشىسى ءمولدىر ابدىۋالييەۆا.
ونىڭ ايتۋىنشا، اتالعان مەدال جەكە كوللەكسيونەر نەمەسە نۋميزماتتار ءۇشىن قىزىقتى بولۋى مۇمكىن.
بۇعان دەيىن، ونلاين حابارلاندىرۋ پلاتفورمالارىنىڭ بىرىندە مەكتەپ تۇلەگى "التىن بەلگى" مەدالىن 2 ميلليون تەڭگەگە ساتۋعا قويعانى حابارلاندى.
پىكىر قالدىرۋ