دەنساۋلىق ساقتاۋ ءمينيسترى الەكسەي سوي 20 قازاننان باستاپ كارانتين شارالارى جەڭىلدەيتىنى تۋرالى ايتتى. دەنساۋلىق ءمينيسترى بۇل تۋرالى ۇكىمەت وتىرىسىندا حابارلادى.
2021 جىلدىڭ 20 قازانىنان باستاپ:
كەلۋشىلەر COVID-19-عا قارسى ۆاكسيناسيالاۋدىڭ تولىق كۋرسىن العانى تۋرالى قۇجاتتى نەمەسە پتر انىقتاماسىن ۇسىنعان كەزدە قارتتار مەن مۇگەدەكتەر ءۇيى، بالالار ءۇيى سياقتى مەديسينالىق-الەۋمەتتىك وبەكتىلەردىڭ پاسيەنتتەرىنە بارۋعا رۇقسات بەرىلەدى.
تۇنگى كلۋبتاردىڭ قىزمەتى تەك "جاسىل" مارتەبەسى بار ادامدارعا رۇقسات ەتىلەدى، ءبىراق:
- تولىمدىلىعى 50%-عا دەيىن، "جاسىل ايماقتا" 100 ادامنان ارتىق ەمەس؛
- "سارى ايماقتا" 70 ادامنان ارتىق ەمەس؛
- "قىزىل ايماقتا" 50 ادامنان ارتىق ەمەس بولۋى شارت.
Ashyq جوباسىنا قاتىساتىن بيزنەس وبەكتىلەرىنىڭ:
- جۇمىس ۋاقىتى "جاسىل ايماقتا" ساعات 03-00-گە دەيىن، Ashyq جوباسىنىڭ كوشباسشىلارى - ساعات 05-00-گە دەيىن،
- "سارى ايماقتا" ساعات 01-00-گە دەيىن، Ashyq جوباسىنىڭ كوشباسشىلارى - ساعات 03-00-گە دەيىن ۇزارتىلادى.
