اۋىر اتلەتيكا فەدەراسياسى اۋىر اتلەتيكادان قازاقستان ۇلتتىق قۇراماسىنىڭ باس باپكەرى باقىت احمەتوۆ قىزمەتىنەن بوساتىلعانىن حابارلادى.
"بۇل شەشىم الماتى قالاسىندا ق ر مادەنيەت جانە سپورت ءمينيسترى اقتوتى رايىمقۇلوۆا مەن قازاقستاننىڭ اۋىر اتلەتيكا فەدەراسياسى باسشىلىعىنىڭ ۇلتتىق قۇرامانىڭ جاتتىقتىرۋشىلار شتابىنا قاتىستى اتلەتتەر مەن جاتتىقتىرۋشىلاردان تۇسكەن شاعىمداردى قاراۋ قورىتىندىسى بويىنشا قابىلداندى" دەلىنگەن رەسمي مالىمدەمەدى.
فەدەراسيا ق ر ۇلتتىق وليمپيادا كوميتەتىمەن بىرلەسىپ، الداعى اۋىر اتلەتيكادان قازاقستان رەسپۋبليكاسىنىڭ چەمپيوناتى كەزىندە ۇلتتىق قۇراما كومانداسىنىڭ جاتتىقتىرۋشىلار شتابىنا ۇمىتكەرلەردى ىرىكتەۋدى ارنايى كريتەرييلەر نەگىزىندە جۇرگىزۋگە نيەتتى ەكەنىن جەتكىزدى.
بۇعان دەيىن قىركۇيەك ايىندا 25 جاستاعى اۋىر اتلەت، قازاقستان چەمپيونى البەرت ليندەر وزىنە قول جۇمساعان. ارتىنشا قازاقستاندىق اۋىراتلەتتەر جاتتىقتىرۋشىلار وزدەرىنە دۇرىس قارىم-قاتىناس جاسامايتىنىن ايتىپ، ۇجىمدىق شاعىم جاريالادى. بۇعان قاتىستى فەدەراسيا ىشكى تەكسەرۋ جۇرگىزىلەتىنىن حابارلادى. ۇزاماي ەرلەر قۇراماسىنىڭ اعا جاتتىقتىرۋشىسى سەرگەي سەدوۆ قىزمەتىنەن شەتتەتىلدى.
پىكىر قالدىرۋ