اۋعانستاننىڭ وڭتۇستىگىندەگى كانداگار قالاسىنداعى شەيىتتەردىڭ ەڭ ۇلكەن مەشىتىندەگى جارىلىستىڭ ۆيدەوسى شىقتى. سوڭعى مالىمەتتەر بويىنشا جارىلىستان 63 ادام قايتىس بولعان، دەپ حابارلادى Aamaj News Telegram پاراقشاسى.
ۆيدەودا اۆتومات ۇستاعان ەكى لاڭكەس مەشىتكە قاراي بەت العانى انىق كورىنەدى. ولار كىرەبەرىستە تۇرعان كۇزەتشىلەرگە وق جاۋدىرىپ، عيماراتتىڭ ىشىنە كىرىپ كەتكەن. كەيىن بىرنەشە سەكۋندتان سوڭ جارىلىس بولدى.
باسقا كادرلاردا مەشىت اۋلاسىندا ناماز وقىپ جاتقان ادامدار كورىنەدى. دالادا ناماز وقىپ جاتقان ادامدار وقتىڭ دىبىسىن ەستىگەن بويدا جان-جاققا قاشادى. جانكەشتى لاڭكەستەر الدىمەن ادامدارعا وق جاۋدىرعان، ودان كەيىن ءار قايسىسى ءوزىن جارىپ جىبەرگەن.
ەسكە سالايىق، جارىلىس 15 قازاندا قالا ورتالىعىنداعى يمام بارگاح مەشىتىندە جۇما نامازى كەزىندە بولعان. سوڭعى مالىمەتتەر بويىنشا، جارىلىستان 63 ادام قازا تاپقان.
پىكىر قالدىرۋ