بۇگىن مەملەكەت باسشىسى قاسىم-جومارت توقايەۆتىڭ توراعالىعىمەن وتكەن قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسىندا حالىقتى ەل بىرلىگىن نىعايتۋعا شاقىردى.

القالى جيىندا قازاقستان حالقى اسسامبلەياسى جانىنداعى انالار كەڭەسىنە جانجاقتى قولداۋ قاجەت ەكەندىگىن ايتىپ ءوتتى. بۇل قۋانتارلىق جاعداي. سەبەبى قازىرگى تاڭدا وتباسىلىق ءومىر قيىندىقتارى، سانى ارتىپ كەلە جاتقان اجىراسۋ، تۇرمىستىق زورلىق-زومبىلىق، جاسوسپىرىمدەر اراسىندا قول جۇمساۋ، ناشاقورلىقتىڭ كەڭ تارالۋى، ينتەرنەتكە تاۋەلدىلىك ماسەلەلەرى بەلەڭ الىپ جاتىر. وسى باعىتتاعى جۇمىستار انالار كەڭەسى اتقارار باستى مىندەتتەردىڭ ءبىرى.

قازىرگى تاڭدا، شىمكەنت قالاسىندا 13 انالار كەڭەستەرى جۇمىس جاسايدى. ونىڭ ىشىندە: 1-قالالىق، 4-اۋداندىق، 8 - ەتنومادەني بىرلەستىكتەر جانىنان قۇرىلعان. مۇشەلەرىنىڭ جالپى سانى - 117 ادامدى قۇرايدى.

انالار كەڭەسى مۇشەلەرى جۇمىسىنىڭ نەگىزگى باعىتتارى:

- وتباسى قۇندىلىقتارىن ساقتاۋ، دامىتۋ جانە انا بولۋ ينستيتۋتتارىن نىعايتۋ؛

- ەرلى زايىپتىلاردىڭ اجىراسۋىنىڭ الدىن-الۋ؛

- تۇرمىستىق زورلىق-زومبىلىقتىڭ الدىن-الۋ؛

- جاسوسپىرىمدەر اراسىندا قۇقىق بۇزۋشىلىقتىڭ الدىن-الۋ؛

- مەملەكەتتىك ءتىلدى جاستار اراسىندا ناسيحاتتاۋ جانە ىلگەرىلەتۋ؛

- ۇلتتىق قۇندىلىقتاردى، داستۇرلەردى جاڭعىرۋتۋعا باعىتتالعان ءىس-شارالار ۇيىمداستىرۋ بولىپ تابىلادى.

جوعارىدا اتالعان باعىتتار بويىنشا 2021 جىلى 80-گە جۋىق ءىس -شارالار وتكىزىلدى. ءىرى جوبالارعا توقتالاتىن بولساق، «ۇلتتىق تاربيە – ۇلت بولاشاعى»، «انالار – شاڭىراق شۋاعى»، «قىز – ەلدىڭ كوركى»، «بالا تاربيەسى انا بويىنان بىتكەننەن باستالادى»، «بىرگە كۇلىپ شاتتانايىق!»، «اق ورامال»، «قازاقتانۋ» سىندى ءبىرقاتار تاربيەلىك باعىتتاعى جوبالار  ىسكە اسىرىلىپ كەلەدى.

بۇگىن قازاقستان حالقى اسسامبلەياسىنىڭ كەڭەيتىلگەن كەڭەسىندە پرەزيدەنتىمىز انالار كەڭەسىنىڭ جۇمىسىن جانداندىرۋعا ۇلكەن سەنىم ارتىپ، ءبىرقاتار ناقتى تاپسىرمالار جۇكتەدى.

اق جاۋلىقتى انالارىمىزدىڭ ونەگەسىن دارىپتەپ، ۇلتتىق تاربيەنى تياناقتى پايدالاناتىن ۋاقىت جەتتى. الداعى ۋاقىتتا وسى باعىتتاعى جۇمىستاردى جۇزەگە اسىرۋ بويىنشا ءبىرقاتار جوبالاردى قولعا الامىز.

سەبەبى ۇرپاق تاربيەسى – ۇلت بولاشاعى.

شىمكەنت قالاسى قازاقستان حالقى

اسسامبلەياسى جانىنداعى انالار كەڭەسىنىڭ

ءتورايىمى ب.كومەكبايەۆا.