شىمكەنت قالاسىنىڭ بارلىق اۋدان اۋماعىندا قىسقى جىلىتۋ ماۋسىمىنا دايىندىق جۇمىستارى جالعاسۋدا.
ءال-فارابي اۋدانى توتەنشە جاعدايلار باسقارماسىنىڭ قىزمەتكەرلەرى «ءار ادامنىڭ قاۋىپسىزدىگىنە قامقورلىقپەن!» اكسياسى اياسىندا «ماگنۋم» ساۋدا ۇيىندە پروفيلاكتيكالىق ءىس-شارالار وتكىزدى.
ءموبيلدى توپ ازاماتتارعا پەشپەن جىلىتۋ، ەلەكتر قۇرىلعىلارىن ورناتۋ جانە پايدالانۋدىڭ نەگىزگى ەرەجەلەرىن ءتۇسىندىرىپ، ءورت بولعان جاعدايداعى ىس-ارەكەتتەر، شۇعىل قىزمەتتەردى شاقىرۋ بويىنشا كەڭەستەر بەردى.
سونىمەن قاتار، باسقارما ماماندارى ونىمدەر پاكەتتەرىنە تج دەپارتامەنتىنىڭ سايتىنا بىردەن كىرۋگە بولاتىن QR كودى بار ارنايى جادىنامالار جاپسىردى.
ايتا كەتسەك، شاھاردا قىسقى جىلىتۋ ماۋسىمىندا تۇرمىستىق گازدان ۋلانۋدىڭ، ءورتتىڭ الدىن-الۋ باعىتىندا جۇيەلى جۇمىستار تۇراقتى اتقارىلۋدا.
پىكىر قالدىرۋ