شىمكەنت قالاسىنىڭ اكىمى مۇرات ايتەنوۆ قالانىڭ سولتۇستىك بولىگىندەگى سۋاققى قۇرىلىسىنىڭ جۇمىسىمەن تانىستى.
«اسار-2» ىقشام اۋدانىنان باستاپ تولەمەتوۆ كوشەسى مەن الماتى تراسساسىنىڭ قيىلىسىنا دەيىنگى ماگيسترالدى سۋ قۇبىرىنىڭ قۇرىلىس جۇمىستارى وندىرىستىك كەستەگە سايكەس جۇرگىزىلۋدە.
نىسان قۇرىلىسى مەردىگەر مەكەمە «Build Stroi» جشس-گى تاراپىنان بيىلعى جىلدىڭ مامىر ايىندا باستالعان.
ماگيسترالدى سۋ قۇبىرىنىڭ جالپى ۇزىندىعى 11،7 شاقىرىم بولسا، بۇگىندە ونىڭ 9،5 شاقىرىمى سالىنعان. قۇرىلىس-مونتاجداۋ جۇمىستارىن وسى جىلدىڭ قازان ايىندا پايدالانۋعا بەرۋ جوسپارلانۋدا.
حالىقتى 100 پايىز تازا اۋىز سۋمەن قامتامامسىز ەتۋ باستى مىندەتتەردىڭ ءبىرى ەكەنىن ايتقان قالا باسشىسى سالالىق باسقارماعا جۇمىس بارىسىنا كۇندەلىكتى مونيتورينگ جۇمىستارىن جۇرگىزۋدى تاپسىردى. ال، مەردىگەر مەكەمەگە نىسان قۇرىلىسىن ساپالى سالۋدى جانە ۋاقتىلى اياقتاۋدى مىندەتتەدى.
جالپى قالادا قۇرىلىسى جۇرگىزىلىپ وتىرعان 3 ماگيسترالدى سۋ قۇبىرىنى پايدالانۋعا بەرىلگەندە قالاداعى 250 مىڭعا جۋىق حالىق ۇزدىكسىز ساپالى اۋىز سۋمەن قامتىلادى.
پىكىر قالدىرۋ