قالا اكىمى مۇرات ايتەنوۆ ارعىنبەكوۆ پەن جىبەك جولى كوشەسىنەن باستاپ №2 كوللەكتورعا دەيىن جۇرگىزىلىپ وتىرعان كاناليزاسيالىق كوللەكتور قۇرىلىسىن قاداعالادى.

كوللەكتوردىڭ جالپى ۇزىندىعى 13،1 شاقىرىمدى قۇرايدى. 2020 جىلدىڭ قازان ايىندا مەردىگەر مەكەمە «سارىاعاش-امان» ج ش س تاراپىنان 8 شاقىرىم كوللەكتور تارتىلىپ، قۇرىلىس جۇمىستارىنىڭ 78 پايىزى اياقتالعان.

اتالعان كاناليزاسيالىق كوللەكتور قۇرىلىسى جىل سوڭىنا دەيىن اياقتالىپ، پايدالانۋعا بەرىلەدى دەپ جوسپارلانۋدا. ناتيجەسىندە، سايرام، ازات، تاسساي، ميراس، نۇرتاس، ۇلاعات، شاپاعات، سولتۇستىك-شىعىس جانە سامال-3 شاعىن اۋداندارى كوللەكتورعا قوسىلادى. ياعني، 18 مىڭ ادام كارىز جۇيەسىنە قوسىلادى.

بۇگىندە قالادا حالىقتى كارىز جۇيەسىمەن قامتۋ كورسەتكىشى 52،3% قۇراسا، جىل سوڭىنا دەيىن قامتىلۋى 54%-عا وسەدى. قالانىڭ وڭتۇستىك پەن سولتۇستىك بولىگىن كارىزبەن قامتۋدىڭ 2022-2025 جىلدارىنا ارنالعان جوسپارىنا سايكەس كارىز تازالاۋ ستانسياسى مەن سورعى ستانسياسىنىڭ كوللەكتورلارى جانە ەلدى مەكەندەردە ىشكى جۇيەلەر قۇرىلىسىن جۇرگىزۋ جوسپارلانىپ وتىر. بۇل جۇمىستار اياقتالسا، 2025 جىلى كارىزبەن قامتۋ كورسەتكىشى 75 پايىزعا جەتەدى.