بۇگىنگى تاڭدا شاعىن جانە ورتا كاسىپكەرلىكتىڭ نەگىزگى كورسەتكىشتەرى بويىنشا وڭ ديناميكا بار.

اتاپ ايتساق، قالادا تىركەلگەن شاعىن جانە ورتا كاسىپكەرلىك سۋبەكتىلەر سانى 87 076 بىرلىك قۇراپ، ونىڭ ىشىندە جۇمىس ىستەپ تۇرعان سۋبەكتىلەر سانى 72 681 بىرلىكتى قۇرادى، وتكەن جىلدىڭ ءتيىستى كەزەڭىمەن سالىستىرعاندا 101،2% (جەكە كاسىپكەرلەر – 51 306، زاڭدى تۇلعالار – 18 156، شارۋا قوجالىقتارى – 3 219). وتكەن جىلمەن سالىستىرعاندا تومەندەگەنى كارانتينگە بايلانىستى جەكە كاسىپكەرلىك سۋبەكتىلەرىنىڭ كوبىسى جىلدىڭ سوڭىنا قاراي جۇمىستارىن توقتاتىپ قويدى. الايدا 2021 جىلى كاسىپكەرلىكتى قولداۋعا قارجى كوپ بولىنۋىنە بايلانىستى اي سايىن ءوسىم بايقالادى. جىلدىڭ سوڭىنا دەيىن 74،0 مىڭ بىرلىككە جەتكىزۋ جوسپارلانۋدا.

شاعىن جانە ورتا كاسىپكەرلىكتە جۇمىسپەن قامتىلعاندار سانى 168 مىڭ ادامدى قۇراپ، نەمەسە وتكەن جىلدىڭ سايكەس كەزەڭىنە 104،4%-عا ارتتى (2020 ج. – 160،9 مىڭ ادام).

شاعىن جانە ورتا كاسىپكەرلىك سۋبەكتىلەرىمەن شىعارىلعان ءونىم كولەمى اعىمداعى جىلدىڭ 2 توقسان جاعدايى بويىنشا 645،5 ملرد. تەڭگەنى قۇراپ، 2020 جىلدىڭ ءتيىستى كەزەڭمەن سالىستىرعاندا 149،8%-عا ارتقان (2020 ج. – 402،8 ملرد. تەڭگە).

شاعىن جانە ورتا بيزنەستىڭ جالپى قوسىلعان قۇنى 423،8 ملرد. تەڭگەنى قۇراپ، جالپى وڭىرلىك ونىمدەگى شاعىن جانە ورتا بيزنەستىڭ ۇلەسى 41،6%-دى قۇرادى.

شاعىن جانە ورتا كاسىپكەرلىكتىڭ ءارى قارايدامىتۋدى جانە بەكىتىلگەن ينديكاتورلاردىڭ ورىندالۋىن قولدانىستاعى مەملەكەتتىك باعدارلامالاردىڭ ىسكە اسىرىلۋى ارقىلى قول جەتكىزىلەتىن بولادى.