دەنساۋلىق ساقتاۋ مينيسترلىگى الداعى ءۇش ايعا ەپيدەميولوگيالىق جاعداي بولجامىن جاڭارتتى. بۇل تۋرالى مينيستر الەكسەي سوي ۇكىمەت وتىرىسىندا ءمالىم ەتتى.

الەكسەي سويدىڭ ايتۋىنشا، پەسسيميستىك سەناريي كەزىندە قاراشا ايىندا تاۋلىگىنە ورتاشا ەسەپپەن كوروناۆيرۋس جۇقتىرعان 1800 ادام، جەلتوقساندا – 2350، ال قاڭتاردا 3000 ادام تىركەلەدى.

رەاليستىك سەناريي كەزىندە قاراشادا تاۋلىگىنە – 1650، جەلتوقساندا 1600، قاڭتاردا 1500 ادام ىندەتكە شالدىعادى دەگەن بولجام بار.

وپتيميستىك سەناريي جۇزەگە اسسا، قاراشادا تاۋلىگىنە – 1500، جەلتوقساندا – 1100، قاڭتاردا 650 جاعداي تىركەلەدى.

– دەنساۋلىق ساقتاۋ مينيسترلىگى اكىمدىكتەرمەن بىرلەسىپ، ەپيدەمياعا قارسى شارالاردى جۇزەگە اسىرىپ، مونيتورينگ جۇرگىزۋدە، – دەدى سوي ۇكىمەت وتىرىسىندا.

ءمينيستردىڭ ايتۋىنشا، سوڭعى 2 ايدا ەلدە كوروناۆيرۋسپەن اۋىرعاندار 4،5 ەسە تومەندەسە، ءولىم-جىتىم 4،8 ەسە ازايعان. سونداي-اق ەلدە ۋاقىتشا اشىلعان 103 ينفەكسيالىق نىسان جابىلدى.

كەشە كوروناۆيرۋس جۇقتىرۋ كورسەتكىشى بويىنشا بىرنەشە ايدان بەرى "قىزىل" ايماقتا تۇرعان الماتى قالاسى "سارى" ايماققا، الماتى وبلىسى "جاسىل" ايماققا ءوتتى.