بيىل شىمكەنتتە 277 كوشە، ياعني 147،6 شاقىرىم توپىراق جولدارعا تاس توسەۋ جۇمىستارى تولىعىمەن ورىندالدى. قالا اۋماعىنداعى ىشكى ورام جانە شالعايداعى ەلدى مەكەندەردەگى كوشەلەرگە جۇرگىزىلگەن زەردەلەۋ ناتيجەسىنە سايكەس ىسكە استى. بۇل جونىندە جولاۋشىلار كولىگى جانە اۆتوموبيل جولدارى باسقارماسى مالىمدەدى.

زەرتتەۋ جۇمىستارى بارىسىندا تاعى 90 شاقىرىم توپىراق كوشەلەرگە تاس توسەۋ قاجەتتىلىگى تۋىندادى. اۋدان اكىمشىلىكتەرى ۇسىنىسىمەن بەلگىلەنگەن كوشەلەر بويىنشا قازىرگى ۋاقىتتا قاراتاۋ، ەڭبەكشى اۋداندارىندا 53 شاقىرىمىن «بازيس ك» ج ش س، ال اباي، ءال-فارابي اۋداندارىندا 37 شاقىرىم جولدى «اق وردا» ج ش س مەردىگەرلىگىمەن شاعال تاس توسەۋ جۇمىستارى جۇرگىزىلۋدە.

قالا بويىنشا جاڭاتالاپ، يگىلىك، نۇرشۋاق، اگروفيرما قاراسۋ، دوستىق-2، قايناربۇلاق، نۇرتاس، اسار-1، 2 ەلدى مەكەندەرىندە جۇمىستار تولىق بىتكەن. قازىرگى ۋاقىتتا تاسساي، بادام، جۇلدىز، وڭتۇستىك، ەلامان، اقتاس جانە 276 ورام ايماعىندا تاس توسەۋ جۇمىستارى اتقارىلۋدا.