الماتى وبلىسى كەربۇلاق اۋدانى اكىمىنىڭ ورىنباسارى مەن جەرگىلىكتى تۇرعىندار اراسىندا جانجال تۋىپ، ارتى توبەلەسكە ۇلاسقان. بۇل تۋرالى taldykorganec.insta پاراقشاسى ءمالىم ەتتى.
الەۋمەتتىك جەلىدەگى ۆيدەودان اكىمشىلىك كابينەتىندە شاعىم ايتىپ تۇرعان ادامعا شەنەۋنىك ءوز كرەسلوسىن نۇسقاپ "كەلشى، وتىرشى مىنا جەرگە، مەنىڭ ورنىما ماسەلەنى قالاي شەشەتىنىڭدى كورەيىن" دەگەنى كورىنەدى.
تۇرعىننىڭ ءبىرى وعان كەلىسىپ، كرەسلوعا وتىرۋعا تىرىسادى. الايدا وسى رەتتە توبەلەس باستالىپ كەتەدى.
اۋدان اكىمى قىزمەتكەرلەرىنىڭ مالىمدەۋىنشە، وقيعا 25 قازاندا بولعان.
"وسىدان ءبىر كۇن بۇرىن قاسپان اۋىلدىق وكرۋگىندە الەۋمەتتىك جاعىنان از قامتىلعان وتباسىلارعا كومىردى تەگىن جەتكىزۋ باستالعان. ەرتەسىندە اۋىل تۇرعىنى جاناتايەۆا اۋداندىق اكىمدىگىنە بارىپ، اكىم ورىنباسارى نۇرلان ادەنوۆتان كومىردى جەتكىزىپ بەرۋدى تالاپ ەتەدى. قىزمەتكەر تەگىن وتىننىڭ ءتىزىم بويىنشا جەتكىزىلەتىنىن تۇسىندىرگەن.
ءبىراق جاناتايەۆا ول جاۋاپقا قاناعانتتانباي، كومىردى تەگىن جەتكىزىپ بەرۋدى تالاپ ەتكەن. كەيىن اكىمدىك عيماراتىنا كەربۇلاق اۋدانىنىڭ قوعام بەلسەندىلەرى ە.سانسىزبايەۆ پەن ب.بەيىسبەكوۆ كەلىپ، كارانتيندىك شەكتەۋگە، كۇزەتكە قاراماي، ىشكە كىرىپ كەتەدى. كەزدەسۋ كەزىندە ە.سانسىزبايەۆ پەن اۋدان اكىمىنىڭ ورىنباسارى ن.ادەنوۆتىڭ اراسىندا جانجال تۋىندادى" دەلىنگەن اكىمدىكتىڭ حابارلاماسىندا.
سول كۇنى كەشكى ساعات 17:00-دە جاناتايەۆاعا كومىر جەتكىزىلگەن. بۇگىندە كەربۇلاق اۋدانى بويىنشا ەتيكا جونىندەگى ۋاكىل وقيعاعا بايلانىستى قىزمەتتىك تەكسەرىس باستادى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ