قمدب ءتوراعاسى ناۋرىزباي قاجى تاعان ۇلىنىڭ باستاماسىمەن الماتى قالاسى، قاراسۋ شاعىن اۋدانىنداعى «مىرزاحمەت» مەشىتىنىڭ الدىنا ايالداما ورناتىلدى.

الاتاۋ اۋدانى «بەكەت اتا» مەشىتىنىڭ ۇيىمداستىرۋىمەن وتكىزىلگەن يگى شاراعا قمدب نايب ءمۇفتيى كەنجەالى قاجى مىرزابايەۆ، الماتى قالاسىنىڭ باس يمامى تولەبي ءدادىل ۇلى مەن مەشىت قىزمەتكەرلەرى قاتىستى. جەرگىلىكتى تۇرعىنداردىڭ ءوتىنىشى مەن تىلەكتەرىن ەسكەرىپ، وزەكتى بولعان ايالداما قۇرىلىسىن الاتاۋ اۋدانى اكىمدىگى مەن دەمەۋشى مەشىت جاماعاتى سالىپ بەردى. تۇرعىندار مەن مەشىتكە كەلۋشى جاماعات حالىق يگىلىگىنە بەرىلگەن ساۋاپتى ىسكە العىسىن ءبىلدىردى.

نايب ءمۇفتي كەنجەالى مىرزابايەۆ: "باس ءمۇفتي ناۋرىزباي قاجى تاعان ۇلىنىڭ ۇيىتقى بولۋىمەن، ايماقتاعى يمامداردىڭ ىجداھاتتى جۇمىسى، دەمەۋشى ازاماتتاردىڭ كومەگىمەن 2020 جىلى رەسپۋبليكا بويىنشا قمدب-نىڭ 30 جىلدىعىنا ارنالعان «30 يگى شارا» جوباسى اياسىندا وڭىرلەردە 73 قۇدىق، 43 كوپىر سالىنىپ تۇرعىنداردىڭ يگىلىگى ءۇشىن پايدالانۋعا بەرىلدى. ال بيىل ق ر تاۋەلسىزدىگىنىڭ 30 جىلدىعىنا وراي ايالداما سالۋ قولعا الىنعان بولاتىن. الماتى قالاسى وكىلدىگى قولعا العان بۇگىنگى ىگى ءىس سونىڭ كورىنىسى. الداعى ۋاقىتتا دا ساۋاپتى امالدار جالعاسىن تابادى دەپ سەنەمىز"، - دەپ وي ءتۇيدى.

مۇنداي ءىس-شارالاردى قولداۋداعى باستى ماقسات – كاسىپكەرلەر مەن قالتالى ازاماتتارعا مەشىت-مەدرەسە سالۋدان باسقا دا وسىنداي ساۋابى مول يگىلىكتى ىستەرگە جۇمىلدىرۋ بولىپ تابىلادى.