تاۋەلسىزدىكتىڭ 30 جىلدىعى قارساڭىندا «Visit Shymkent» ورتالىعى الەۋمەتتىك تۋريزم باعىتى بويىنشا كوپ بالالى جانۇيادان شىققان بۇلدىرشىندەرگە ەكسكۋرسيا ۇيىمداستىردى.

تۋر «ىزگىلىكتە جارىسايىق» قايىرىمدىلىق قورىمەن بىرلەسە «مەيىرىمدى جۇرەك» اكسياسى اياسىندا قولعا الىندى. قۇرامى 20-دان اسا وقۋشىدان جاساقتالعان توپ مۇشەلەرى “شىم قالا” تاريحي-مادەني ورتالىعى، ەتنواۋىل، تۇركىستان وبلىسىنىڭ تاريحي-ولكەتانۋ مۋزەيى، ءال-فارابي اتىنداعى قالالىق عىلىمي-امبەباپ كىتاپحاناسى جانە بايدىبەك بي ەسكەرتكىشىنە بارىپ، تۋريستىك نىساندارمەن تانىستى.

ءىس-شارانىڭ ماقساتى - وقۋشىلاردىڭ تۋعان ولكە تاريحى تۋرالى وي-تانىمدارىن ارتتىرىپ، شىمكەنت قالاسىنداعى تۋريستىك نىساندار جانە كورىكتى ورىندارمەن تانىستىرۋ. ال، ارنايى ەكسكۋرسيا اياقتالعان سوڭ، بۇلدىرشىندەرگە «لادۋشكي» كافەتەرياسى تاراپىنان تەگىن تۇسكى اس جانە سىيلىقتار ۇسىنىلدى. جاسوسپىرىمدەردى قالا تاريحىمەن تانىستىرۋدى كوزدەگەن ارنايى ەكسكۋرسيالىق شارالار الداعى ۋاقىت دا جالعاساتىن بولادى.