بۇگىن شىمكەنت قالاسىنىڭ قالالىق ورتا ساپاسى جانە باقىلاۋ باسقارماسىنىڭ باسشىسى عالىمجان ۋتەنبايەۆ @akimat_shymkent ينستاگرام پاراقشاسىندا وتكەن تىكەلەي̆ ەفير بارىسىندا تۇرعىن ۇيلەردە گاز جابدىقتارىن ءقاۋىپسىز پايدالانۋ تۋرالى ءتۇسىندىرىپ ءوتتى.

ونىڭ ايتۋىنشا، قالا اۋماعىندا ورتالىق گاز جۇيەسىنە قوسىلعان 192 780 ابونەنت بار ەكەن. ونىڭ ىشىندە 85 243 ابونەنت كوپقاباتتى تۇرعىن ۇيلەر، 100 362 ابونەنت جەكە سەكتور، 363 ابونەنت وندىرىستىك كاسىپورىندار جانە الەۋمەتتىك نىساندار جانە 6 812 ابونەنت تۇرمىستىق شارۋاشىلىق مەكەمەلەر.

تۇرعىندارعا گازدى پايدالانۋدا قاۋىپسىزدىك شارالارىن ساقتاۋ بويىنشا ۇگىت-ناسيحات ءتۇسىندىرۋ جۇمىستارى تۇراقتى تۇردە جۇرگىزىلىپ كەلەتىنىن ايتقان باسقارما باسشىسى جىل باسىنان بەرى سالا ماماندارىمەن 22 مىڭ دانا حابارلاما تاراتىلعانىن اتاپ ءوتتى.

«بۇگىنگى تاڭدا، ۇگىت-ناسيحات ءتۇسىندىرۋ جۇمىستارىن جۇرگىزۋ بارىسىندا، 186 مىڭ گاز پايدالانۋشىلاردان 107 مىڭ (58 %) ىشكى گاز جۇيەلەرىنە قىزمەت كورسەتۋشى مەكەمەلەرمەن كەلىسىم شارتقا تۇرعان. ق ر «گاز جانە گازبەن جابدىقتاۋ تۋرالى» زاڭىنىڭ 19 بابىنىڭ 3 تارماقشاسىنا سايكەس، تۇرعىندار تۇرمىستىق گازدى پايدالانۋ بارىسىندا اتتەستاتتالعان، مامانداندىرىلعان مەكەمەلەرمەن (ۆدگو) وزدەرىنە تيەسىلى گاز جۇيەلەرىنە تەحنيكالىق قىزمەت كورسەتۋگە ارنالعان شارت جاساسۋعا مىندەتتى»،-دەدى ع.ۋتەنبايەۆ.

ايتا كەتەيىك، وتكەن 2020-2021 جىلدىڭ جىلىتۋ ماۋسىمىندا قالا بويىنشا گازبەن بايلانىستى كوپتەگەن وقىس-وقيعالار تىركەلگەن بولاتىن. ونىڭ ىشىندە ۇلى گازبەن ۇلانىپ 8 ادام قايتىس بولعان، ولاردىڭ اراسىندا كىشكەنتاي بالالار دا بار. سالا جەتەكشىسى اتالعان وقيعالاردىڭ باستى سەبەبى، تۇرعىنداردىڭ تەحنيكالىق تالاپتاردى ساقتاماۋى، اتاپ ايتقاندا ءوز بەتىنشە گازدى تۇتىنۋ قۇرعىلارىن ورناتۋى، لودجياعا شىعارۋى جانە جەلدەتكىش كانالدارىن مۇرجا رەتىندە پايدالانۋى.