سولتۇستىك قازاقستان وبلىسى بەسكول اۋىلىندا تۇرعىن ءۇيدىڭ شارۋاشىلىق نىساندارى ورتەنىپ، ءورت سوندىرۋشىلەر كەلگەنشە ەكى گاز باللونى جارىلدى، دەپ حابارلادى پەتروپاۆلوۆسك.news سايتى.
سقو توتەنشە جاعدايلار دەپارتامەنتىنىڭ مالىمەتىنشە، ءورت بۇگىن تاڭەرتەڭ بولعان. ءورت سوندىرۋشىلەر كەلگەنشە ءۇيدىڭ جانىنداعى نىسان، گاراج بەن مونشا ورتەنىپ ۇلگەرگەن. ۋاقىتشا تۇرعىزىلعان نىسان ىشىندەگى ەكى گاز باللونى جارىلعان.
– ساعات 12-دەن 8 مينۋت كەتكەندە 101 پۋلتىنە م.اۋەزوۆ كوشەسى 82 ۇيدە ءورت شىققانى جونىندە حابار ءتۇستى. جالىن جايىلماۋى ءۇشىن ورتكە ەكىنشى دەڭگەي بەرىلدى. ءورت سوندىرۋشىلەر 5 مينۋتتىڭ ىشىندە جەتتى، ولار كەلگەن كەزدە ەكى قاباتتى ءۇيدىڭ شاتىرى جانە ءۇيدىڭ كىرە بەرىسى وتقا ورانىپ ۇلگەرگەن ەكەن. جالىن 96 شارشى مەتر اۋماققا جايىلدى. الدىن الا بولجام بويىنشا، ءورت پەشتى دۇرىس قولدانباۋدان شىققان. زارداپ شەككەندەر جوق، ءورت ساعات 13.22 مينۋت كەتكەندە تولىق ءسوندىرىلدى، – دەيدى سقو توتەنشە جاعدايلار دەپارتامەنتى باستىعىنىڭ ورىنباسارى ورال ءابدىراحمانوۆ.
ءورتتىڭ شىعۋ سەبەپتەرى انىقتالىپ جاتىر.
پوسموترەت ەتۋ پۋبليكاسيۋ ۆ Instagram
