شىمكەنت جۇرەك ورتالىعىنىڭ قۇرىلعانىنا بيىل 20 جىل. مەرەيتويعا وراي قالالىق كارديوورتالىقتا «جاڭا كوكجيەكتەرگە جول» اتتى حالىقارالىق عىلىمي-تاجىريبەلىك كونفەرەنسيا ءوتتى. شاراعا مەديسينا عىلىمدارىنىڭ دوكتورى يۋريي ۆلاديميروۆيچ ارنايى كەلىپ، دارىگەرلەرگە دارىستەر وتكىزدى.

شىمكەنت جۇرەك ورتالىعىنىڭ قۇرىلعانىنا 20 جىل تولۋىنا وراي قالامىزدا حالىقارالىق كونفەرەنسيا ءوتتى. شارا بارىسىندا «يۋنيۆەرسيتي مەديكال سەنتر» كورپوراتيۆتىك قورىنىڭ باسشىسى يۋريي پيا، «ۇلتتىق كارديوحيرۋرگيا عىلىمي ورتالىعى» باسقارما ءتوراعاسىنىڭ مىندەتىن اتقارۋشى ماحاببات بەكبوسىنوۆا باستاعان دارىگەرلەر توبى ارنايى ءدارىس وقىپ، تاجىريبەلىك وتالار وتكىزدى. كارديوحيرۋرگتىڭ ايتۋىنشا «مۇنداي ماڭىزدى وپەراسيالار ءار قالادا جاسالۋى كەرەك، ول ءۇشىن باسقا قالاعا بارۋ ناۋقاستىڭ ومىرىنە ءقاۋىپتى بولۋى مۇمكىن.

يۋريي پيا، UMC كق باسقارما ءتوراعاسى، مەديسينا عىلىمدارىنىڭ دوكتورى
- تەك جۇرەك جەتكىلىكسىزدىگى عانا ەمەس، ريتم بۇزىلۋى، كلاپاندىق اۋرۋى، اورت اۋرۋلارى بويىنشا دا دارىستەر وتكىزىلىپ، تاجىريبە الماسۋ بولىپ جاتىر. بۇرىن بۇل وتالار وتە كۇردەلى سانالاتىن جانە ونى جاساۋ قيىنعا سوعاتىن ەدى. ءقازىر تامىر ارقىلى تەك ارنايى اپپاراتتى كىرگىزىپ قانا جاساۋعا بولادى. بۇدان كەيىن ناۋقاستاردىڭ اياققا تۇرىپ كەتۋى دە تەز بولادى. دەگەنمەن، بۇل بۇل وڭاي بولاتىن دۇنيە ەمەس. ءالى تاعى بىرنەشە ساباقتار وتكىزەمىز.