شىمكەنت قالاسى قاراتاۋ اۋدانى «ورمانشى» ەلدىمەكەنىندەگى بۇرىنعى قۇرىلىس قالدىقتارى پوليگونى اۋماعى بۇگىندە دەمالىس ورنىنا اينالدى. قۇرىلىس جۇمىستارى قىركۇيەك ايىندا تولىعىمەن اياقتالدى.
تاياۋدا قالا اكىمى م.ايتەنوۆ اباتتانعان نىساندى ارالاپ، قۇرىلىستىڭ ساپاسىمەن تانىسقان بولاتىن.
بۇگىن ەلدىمەكەندە دەمالىس ورنىنىڭ سالتاناتتى اشىلۋ ءراسىمى ءوتتى. ءىس-شاراعا قاراتاۋ اۋدانى اكىمى ورىنباسارى ا.پارمانوۆ، قاراتاۋ اۋدانىنىڭ ارداگەرلەرى جانە ب ا ق وكىلدەرى قاتىستى.
تۇرعىندار تاراپىنان بۇل دەمالىس ورنىن «الاتاۋ» دەپ اتاۋ ۇسىنىلدى. ەلدىمەكەن تۇرعىندارى جىلدار بويى قوقىس پوليگونىنىڭ ءيىسى مەن تۇتەگەن تۇتىنىنەن زارداپ شەككەن كەزدەرىن ەسكە الىپ، بۇگىندە بۇل ماسەلە وڭ شەشىمىن تاپقانىنا قۋانىپ وتىر.
دەمالىس ورنىنىڭ اۋدانى 4،48 گەكتاردى قۇرايدى. وندا بالالارعا ارنالعان ويىن جانە سپورت الاڭشالارى ورنالاسقان. سونداي-اق، جارىقتاندىرۋ باعانالارى، ورىندىقتار، قوقىس ۋرنالارى جانە ءار ءتۇرلى پىشىندە كىشى ساۋلەت مۇسىندەرى ورناتىلعان.
پىكىر قالدىرۋ