شىمكەنتتە Nur Otan پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى 2021-2025 جىلدارعا ارنالعان شىمكەنت قالاسى بويىنشا سايلاۋالدى باعدارلاماسىن جۇزەگە اسىرۋدىڭ جول كارتاسى اياسىندا «بيزنەستىڭ جول كارتاسى-2025» جانە «قاراپايىم زاتتار ەكونوميكاسى» باعدارلاماسى بويىنشا ىسكە اسىرىلىپ جاتقان جوبالار كوپ.بۇگىن سونداي جوبالاردىڭ ىسكە اسىرىلۋىن شىمكەنت قالالىق ماسليحاتىنىڭ دەپۋتاتتارى باقىلاپ قايتتى. بۇل تۋرالى قالالىق كاسىپكەرلىك جانە يندۋستريالدى-يننوۆاسيالىق باسقارماسى مالىمدەدى.
«Lux Shoes» ج ش س – اياق كيىم وندىرىسىمەن اينالىسادى. مەملەكەتتىك باعدارلاما ارقىلى تومەنگى پايىزدىق ستاۆكامەن 200 ملن تەڭگە نەسيە الىپ، جۇمىسىن باستاعان. بۇگىندە كاسىپكەر 120 مىڭ جۇپ اياق كيىم وندىرەدى. تازا بىلعارىدان تىگىلەدى. سوندىقتان وتاندىق ونىمگە دەگەن سۇرانىس جوعارى.
«LUX Shoes» ج ش س اياق كيىم فابريكاسىنا جابدىقتاردى ساتىپ الۋ ءۇشىن «اتف بانك» اق ارقىلى 15%-بەن «قاراپايىم زاتتار ەكونوميكاسى» مەملەكەتتىك باعدارلاماسى اياسىندا نەسيە راسىمدەپ، ونىڭ 9% مەملەكەت تاراپىنان سۋبسيديالانىپ، كاسىپكەر نەبارى 6% ءوزى تولەيدى.
ايتا كەتۋ كەرەك، فابريكا «وڭتۇستىك» ارنايى ەكونوميكالىق ايماعىندا ورنالاسقان. ياعني سالىق بويىنشا جەڭىلدىكتەر بار. وندىرىسكە قاجەت جارىق پەن كوگىلدىر وتىنعا دا جەڭىلدىك قاراستىرىلعان.
وتاندىق ءونىمدى دامىتۋدى قالايتىن كاسىپكەرلەرگە بارشا مۇمكىندىك قاراستىرىلۋدا.
«Lux Shoes» ءجشس-نىڭ نەگىزگى ماقساتتارىنىڭ ءبىرى ورتالىق ازيا ەلدەرىندە ءونىمدى وتكىزۋ نارىعىن جاۋلاۋ، سونداي-اق قازاقستاننىڭ ەڭ ۇزدىك باسەكەگە قابىلەتتى كاسىپورىندارىنىڭ قاتارىنا كىرۋ بولىپ تابىلادى.
پىكىر قالدىرۋ