29 جاستاعى ەر ادام قاراعاندىدا جەكە كومپانيا ديرەكتورىنا تاپانشادان وق اتقان، دەپ حابارلادى Polisia.kz سايتى.
قاراعاندى قالاسى پوليسيا باسقارماسى ورتالىق پوليسيا بولىمىنە ساۋدا كاسىپورىندارىنىڭ بىرىندە قارۋلى قاقتىعىس بولعانى تۋرالى اقپارات تۇسكەن.
30 جاستاعى كاسىپورىن ديرەكتورى بەلگىلى ءبىر اداممەن جانجال بولعانىن ايتادى. جانجال بارىسىندا كۇدىكتى كومپانيا باسشىسىنا "وسا" تراۆماتيكالىق تاپانشاسىنان وق اتقان. جابىرلەنۋشى جاراقاتتانىپ، مەديسينا مەكەمەسىنە جۇگىنگەن. ءبىراق اۋرۋحاناعا جاتۋدان باس تارتقان.
پوليسيا قىزمەتكەرلەرى 29 جاستاعى ەر ادامدى ءىزىن سۋىتپاي ۇستاعان. تراۆماتيكالىق تاپانشا تاركىلەنىپ، كۇدىكتى ءوز كىناسىن مويىنداعان.
اتالعان جايت بويىنشا قىلمىستىق كودەكستىڭ 287-بابى "قارۋدى زاڭسىز ساقتاۋ نەمەسە الىپ ءجۇرۋ" بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
پىكىر قالدىرۋ