اقش پرەزيدەنتى دجو بايدەن ۇلىبريتانيانىڭ گلازگو قالاسىندا ءوتىپ جاتقان كليمات ءسامميتى كەزىندە الەم ەلدەرىنەن كەشىرىم سۇرادى.
ول ترامپ اكىمشىلىگىنىڭ پاريج كليماتتىق كەلىسىمىنەن شىعۋ تۋرالى شەشىمى ءۇشىن باسقا الەم كوشباسشىلارىنان كەشىرىم سۇراپ، اقش-تىڭ كەلىسىمنەن شىعۋى ەلدى كليماتتىق ماقساتتاردان كەيىن قالدىرعانىن ايتتى.
– مەن كەشىرىم سۇراماۋىم كەرەك دەپ ويلايمىن، ءبىراق امەريكا قۇراما شتاتتارىنىڭ سوڭعى اكىمشىلىگى پاريج كەلىسىمىنەن شىعىپ كەتكەنى ءۇشىن كەشىرىم سۇرايمىن. بۇل – ءبىزدى ءبىراز ارتقا قالدىردى، – دەدى بايدەن گلازگوداعى سامميتتە.
اقش پرەزيدەنتى قاڭتاردا انت بەرگەننەن كەيىن ۆاشينگتوننىڭ پاريج كەلىسىمدەرىنە قايتا قوسىلاتىنىن مالىمدەگەن.
سامميتتەگى سويلەگەن سوزىندە بايدەن جاھاندىق كوشباسشىلاردى كليماتتىڭ وزگەرۋىنە قارسى اۋقىمدى شارالار قابىلداۋعا شاقىردى جانە وسى جاعىنان اقش الەمگە ۇلگى بولاتىنىنا سەنەتىنىن جەتكىزدى.
بۇعان دەيىن ۇلىبريتانيادا عالامدىق كليمات ءسامميتى ءوتىپ جاتقانى حابارلانعان.
پىكىر قالدىرۋ