نۇر-سۇلتاندا 4 قاراشادان باستاپ جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن پاتەرگە ءوتىنىم قابىلداۋ باستالادى.  

قۇجاتتاردى 4 قاراشا مەن 11 قاراشا ارالىعىندا 9:00-دەن باستاپ 23:59-عا دەيىن تاپسىرۋعا بولادى.

ءتيىستى قۇجاتتاردىڭ تولىق ءتىزىمىن مىنا سىلتەمەدە كورسەتىلگەن.

ارەندالىق باسپانا تەك 5 جىلعا بەرىلەدى. پاتەردىڭ اي سايىنعى جالداۋ اقىسى 5 000 - 15 000 تەڭگە ارالىعىندا.

قۇجات ەلەكتروندى تۇردە تەك qatysu.zhilfond.kz پورتالى ارقىلى قابىلدانادى.

باعدارلاماعا كىمدەر قاتىسا الادى:

• 29 جاسقا دەيىنگى قازاقستان ازاماتى؛ 

• ورتا/ارنايى ورتا/جوعارى/جوعارى وقۋ ورنىنان كەيىنگى ءبىلىمى جانە رەسمي جۇمىسى بار؛

• نۇر-سۇلتان قالاسىندا كەمىندە سوڭعى ەكى جىل تۇراقتى تىركەۋى بار؛

• ءوتىنىش بەرۋشى مەن وتباسىنىڭ قالعان مۇشەلەرىنىڭ مەنشىگىندە سوڭعى 2 جىل ىشىندە ساتىپ الۋ قۇقىعىمەن جالعا بەرىلەتىن پاتەر بولماۋى كەرەك؛

تولەم قابىلەتتىلىگى راستالۋى مىندەتتى (اي سايىنعى تابىس كەمىندە 116 680 تەڭگە بولۋى قاجەت).

ءوتىنىم بەرۋشى ەڭ الدىمەن، ەسق كىلتىن الۋى قاجەت، ال تىزىمدەگى انىقتامالار ءوتىنىش بەرگەن ساتتە 10 كۇننەن كەشىكتىرىلمەي الىنۋعا ءتيىس.

باسپانا بالداردى ەسەپتەۋ بالدىق جۇيە بويىنشا جۇزەگە اسىرىلادى. 

وتباسىلى بولسا، 5 بالل، نەكەنىڭ ءار جىلى ءۇشىن – 2 بالل؛

بالا بولسا، 1 بالل، كەلەسى ءاربىر بالا ءۇشىن – 2 بالل؛

بيۋدجەتتىك ۇيىمدارداعى (مەملەكەتتىك مەكەمەلەر مەن مەملەكەتتىك كاسىپورىنداردا) ەڭبەك قىزمەتى ءۇشىن – 5 بالل، ەڭبەك ءوتىلىنىڭ ءار جىلى ءۇشىن – 1 بالل؛

نارىق سۇرانىسىنا يە 100 ماماندىقتىڭ ءبىرىن يگەرگەن ءوتىنىش بەرۋشىگە – 10 بالل؛

نەمىندە 1 جىل جەكە كاسىپكەرلىك قىزمەتتى جۇزەگە اسىرسا – 5 بالل، ءاربىر جىل ءۇشىن – 1 بالل؛

ءوتىنىش بەرۋشىنىڭ ءارتۇرلى قىزمەت سالاسىندا جەكە جەتىستىكتەرى بولسا (كاسىبي سالاداعى جەتىستىكتەرى ەسكەرىلەدى) – 2 بالل؛

بانكتەردەگى جيناعىنىڭ ءاربىر جىلى ءۇشىن – 2 بالل.

جالعا بەرىلەتىن تۇرعىن ءۇيدى بەرۋ تۋرالى شەشىم قابىلداعاننان كەيىن 15 كۇنتىزبەلىك كۇن ىشىندە ءوتىنىش بەرۋشى مەن ۋاكىلەتتى ورگان اراسىندا تۇرعىن ءۇيدى جالداۋ شارتى جاسالادى.