اقش-تىڭ ارنايى يادرولىق ماقساتتاعى كونستانت فەنيكس ۇشاعى راديواكتيۆتى زاتتاردى انىقتاۋ ءۇشىن وڭتۇستىك جۇڭگو تەڭىزى ايماعىندا كىرگەنى حابارلاندى. "بۇل تۋرالى اسكەري ماماندار مالىمدەدى" دەپ جازدى وڭتۇستىك جۇڭگو تاڭعى گازەتى (SCMP).
اقش-تىڭ يادرولىق شابۋىلعا ارنالعان سۇڭگۋىر كەمەسى وڭتۇستىك جۇڭگو تەڭىزىندە سۋ استىندا سوقتىعىسقا ۇشىراعان بولاتىن.
كوپ وتپەي قىتايدىڭ بەيجىڭدەگى ساراپتاما ورتالىعى ايماققا امەريكانىڭ بەس بارلاۋ ۇشاعى كىرگەنىن مالىمدەدى. بۇل تۋرالى بەيجىڭ جاساندىسەرىكتەن تۇسىرىلگەن سۋرەتتەردى جاريالادى.
بۇعان دەيىن اقش اسكەري-تەڭىز كۇشتەرىنىڭ يادرولىق سۇڭگۋىر كەمەسى وڭتۇستىك جۇڭگو تەڭىزىندەگى حالىقارالىق تەڭىز ايماعىنا بەلگىسىز نىسانعا سوعىلعان. وقيعادان كەيىن ۆاشينگتون ەلەۋلى الاڭداۋشىلىق ءبىلدىرىپ، "بۇل جۇڭگو تاراپتىڭ يادرولىق قيمىلدارىنىڭ ىقپالى" دەپ كۇدىكتەنگەن.
"وڭتۇستىك جۇڭگو تەڭىزىنە كىردى" دەلىنگەن ۆاشينگتوننىڭ "يادرولىق ءيىس سەزگىش" دەگەن لاقاپ اتى بار "Boeing WC-135" بارلاۋ ۇشاعىنىڭ نەگىزگى مىندەتى – يادرولىق جارىلىستاردان راديواكتيۆتى قالدىقتاردى انىقتاۋ جانە اتموسفەرالىق ۇلگىلەردى جيناۋ.
– "WC-135" وڭتۇستىك جۇڭگو تەڭىزى ايماعىنا سيرەك كەلەدى. ونىڭ ايماقتاعى سوڭعى قىزمەتى 2020 جىلدىڭ قاڭتارىنان باستالادى، – دەدى وڭتۇستىك جۇڭگو تەڭىزىندەگى ستراتەگيالىق جاعدايدى زەرتتەۋ ورتالىعى. بەيجىڭدە ورنالاسقان زەرتتەۋ ورتالىعى بۇل اقپاراتتى ءوزىنىڭ WeChat رەسمي اككاۋنتىندا ءمالىم ەتتى.
پىكىر قالدىرۋ