اۋعانستان استاناسى كابۋلدىڭ ورتالىعىنداعى ساردار داۋدحان اسكەري اۋرۋحاناسى ايماعىندا ەكى ۇلكەن جارىلىس بولدى، دەپ حابارلادى Al Jazeera اقپارات اگەنتتىگى.
وقيعا بۇگىن، 2 قاراشادا بولعان. كۋاگەرلەردىڭ ايتۋىنشا، مينالانعان كولىك جارىلعان. ءبىرىنشى جارىلىستان بىرنەشە مينۋت وتكەن سوڭ، تاعى ءبىر ەكىنشى جارىلىس بوعان.
وقيعانىڭ جاي-جاپسارى انىقتالۋدا. جارىلىسقا بايلانىستى "تاليبان" قوزعالىسىنىڭ شەنەۋنىكتەرىنەن ەشقانداي تۇسىنىكتەمە تۇسكەن جوق.
2021 جىلعى 3 قازاندا كابۋلداعى يدگا مەشىتىنىڭ كىرەبەرىسىندە "تاليبان" قوزعالىسى مۇشەلەرىنىڭ ءبىرىنىڭ اناسىنا ارنالعان دۇعا كەزىندە جارىلىس بولعان. ونىڭ سالدارىنان 8 ادام قازا تاۋىپ، تاعى 20 ادام جاراقات العان. شابۋىل ءۇشىن جاۋاپكەرشىلىكتى دايش مۇشەلەرى ءوز موينىنا الدى.
پىكىر قالدىرۋ