Facebook قوعام الاڭداۋشىلىعىنان كەيىن اۆتوماتتى تۇردە بەت-الپەتتى تانۋ جۇيەسىن وشىرمەك.
Facebookء-تىڭ جاساندى ينتەللەكت جونىندەگى ۆيسە-پرەزيدەنتى دجەروم پەسەنتي بلوگ جازباسىندا "بەت-الپەتتى تانۋ تەحنولوگياسىن شەكتەۋ ورىندى" دەپ سانايتىنىن جاريالادى.
وسىلايشا، الەمدەگى ەڭ ءىرى الەۋمەتتىك مەديا پلاتفورما بەت-الپەتتى تانۋ فۋنكسياسىن الىپ تاستاۋ تۋرالى شەشىمگە كەلگەن. Facebook سوڭعى بىرنەشە جىلدا تەحنولوگيالاردى پايدالانۋ ەتيكاسىنا قاتىستى كوپتەگەن سىنعا ىلىككەن.
سىنشىلاردىڭ پىكىرىنشە، بولشەك ساۋداگەرلەر، اۋرۋحانالار جانە قاۋىپسىزدىك ماقساتىنداعى باسقا دا كاسىپورىندار اراسىندا تۇلعانى تانۋ تەحنولوگياسى جەكە ومىرگە نۇقسان كەلتىرۋى مۇمكىن جانە مارگينالدى توپتارعا باعىتتالۋى ىقتيمال. سونىمەن قاتار ءينترۋزيۆتى باقىلاۋعا الىپ كەلۋى مۇمكىن.
IBM بەتتى تانۋ ونىمدەرىن ساتۋدى ءبىرجولا توقتاتتى، ال Microsoft جانە Amazon.com Inc بۇل تەحنولوگيانى پوليسياعا ساتىپ بەرۋدى بەلگىسىز مەرزىمگە توقتاتقان.
پىكىر قالدىرۋ