ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ قازاقستاننىڭ لاستانۋ دەڭگەيى جوعارى 10 قالاسىن اتادى. بۇل تۋرالى مينيستر ۇكىمەت وتىرىسىندا مالىمدەدى.

– اتموسفەرالىق اۋا مونيتورينگىنە سايكەس، 45 ونەركاسىپتىك قالانىڭ 10-ى اتموسفەرالىق اۋانىڭ جوعارى لاستانۋ دەڭگەيىنە جاتادى. بۇل نۇر-سۇلتان، الماتى، قاراعاندى، تەمىرتاۋ، اتىراۋ، اقتوبە، بالقاش، وسكەمەن، جەزقازعان جانە شىمكەنت قالالارى، –  دەدى مينيستر ۇكىمەت وتىرىسىندا.

ونىڭ ايتۋىنشا، جوعارى لاستانۋعا جابدىقتاردىڭ توزۋى، زاۋىتتارداعى شاڭ تازارتۋ قوندىرعىلارى جۇمىسىنىڭ تيىمسىزدىگى، جاڭعىرتۋ مەن قايتا قۇرۋ جۇمىستارىنىڭ جۇرگىزىلمەۋى، كومىر پايدالانۋى سەبەپ بولىپ وتىر.

– قالدىقتارمەن جۇمىس ىستەۋ سالاسىندا قتق پوليگوندارىنىڭ سانيتارلىق جانە ەكولوگيالىق تالاپتارعا ساي بولماۋى، قتق وڭدەۋدىڭ تومەن دەڭگەيى جانە اپاتتى قوقىس تاستايتىن جەرلەر وتكىر پروبلەما بولىپ وتىر، – دەپ تولىقتىردى برەكەشيەۆ.