ەل تاۋەلسىزدىگىنىڭ 30 جىلدىعىنا وراي ءال-فارابي اتىنداعى قالالىق عىلىمي-امبەباپ كىتاپحاناسى «قىزىقتى اۆتوبۋس» اكسياسىن ۇيىمداستىردى.

قالالىق جاسوسپىرىمدەر كىتاپحاناسىمەن بىرلەسىپ قالا قوناقتارى مەن تۇرعىندارىنا رۋحاني قۇندىلىعىمىز كىتاپ وقۋدىڭ جاڭا فورماتىن تانىستىرىپ ياعني، ءال-فارابيدىڭ ەڭبەكتەرى، شىمكەنت قالاسى تۋرالى ولكەتانۋ ادەبيەتى جانە جەرگىلىكتى اقىن-جازۋشىلاردىڭ 60 دانادان اسا كىتاپتارىن ناسيحاتتاۋ ماقساتىندا قالالىق اۆتوبۋس №10، №17، №96، №133 مارشۋرتتار باعىتىندا ءجۇرىپ ءوتتى.

كىتاپحانا قىزمەتكەرلەرىنىڭ ءموبيلدى توپتارى قالا اۆتوبۋستارىندا QR-كودتالعان ەلەكتروندى كىتاپتاردىڭ ۇلگىسىن ءىلىپ، قالا تۇرعىندارىنا، ستۋدەنت جاستارعا پايدالانۋ جونىندە تۇسىندىرمە جۇمىستارىن جۇرگىزدى.

سونداي-اق، «كىتاپ وقيتىن شىمقالا» بۋككروسينگ اكسياسى اياسىندا اباي اتىنداعى قالالىق كىتاپحاناسىمەن بىرگە، «ءموبيلدى QR-كىتاپحانا» جوباسىنىڭ تانىستىرىلىمىن چەرنوبىل ارداگەرلەر اللەياسىندا وتكىزدى.

جاڭالىققا جانى قۇمار وقىرمانداردى زاماناۋي QR-كود قوسىمشاسىن پايدالانىپ، قولجەتىمدى كىتاپتاردى جۇكتەپ الىپ وقۋعا شاقىردى.

ءال-فارابي كىتاپحاناسى شىمكەنت
شىمكەنت قالالىق جاسوسپىرىمدەر كىتاپحاناسى