شىمكەنت قالاسىندا «شاڭىراق» جەڭىلدەتىلگەن نەسيەلىك باعدارلاماسى بويىنشا تۇران شاعىناۋدانىندا ورنالاسقان 7 تۇرعىن ءۇي قولدانىسقا بەرىلدى. سالتاناتتى شاراعا قالا اكىمىنىڭ ورىنباسارى م.ايمانبەتوۆ قاتىسىپ، ينفراقۇرىلىمدىق كوممۋنالدىق قىزمەتتەرى ىسكە قوسىلعان پاتەرلەردىڭ يەلەرىنە كىلتتەرىن تابىستادى.

- تۇران شاعىناۋدانىندا شامامەن 1،2 ملن. شارشى مەتردى قۇرايتىن 15300 پاتەرلى 319 كوپقاباتتى تۇرعىن ءۇيدىڭ قۇرىلىسى جوسپارلانعان. بۇگىنگى تاڭدا بيۋدجەت ەسەبىنەن 88 ءۇيدىڭ قۇرىلىسى جۇرگىزىلىپ، ونىڭ ىشىندە «شاڭىراق» باعىتىنىڭ قاتىسۋشالىرىن 27 تۇرعىن ۇيگە قونىستاندىرۋ كەزەڭ-كەزەڭىمەن جۇزەگە اسىرىلۋدا. «7-20-25» نەسيەلىك باعدارلاماسى بويىنشا 29 تۇرعىن ءۇيدىڭ قۇرىلىسى بيىل اياقتالماق. نەسيەلىك باعىتتاعى تاعى 50 تۇرعىن ءۇيدىڭ جوبالاۋ-سمەتالىق قۇجاتتاماسى ازىرلەنۋدە. ولاردىڭ قۇرىلىس جۇمىستارى كەلەر جىلى باستالادى. بۇل كورسەتكىشتەر الداعى ۋاقىتتا ازاماتتاردىڭ باسپانا ماسەلەسىنىڭ شەشىلۋىنە ۇلكەن ىقپال ەتپەك، -دەدى قالا اكىمىنىڭ ورىنباسارى.

بيىل قالا اكىمدىگى تاراپىنان باسپاناعا مۇقتاج ازاماتتارعا قولداۋ رەتىندە تۇرعىن ءۇي سەرتيفيكاتىنا 500 ميلليون تەڭگە ءبولىندى. يپوتەكالىق تۇرعىن ءۇي قارىزى بويىنشا باستاپقى جارنانىڭ ءبىر بولىگىن جابۋ ءۇشىن قايتارىمسىز نەگىزدە ءار ازاماتقا 1 ميلليون تەڭگەگە دەيىن بەرىلەدى. بۇگىنگى جاڭا قونىس يەلەرىنىڭ 184ء-ى دە اتالعان سەرتيفيكاتتى الىپ، باسپانالى بولىپ وتىر.

«شاڭىراق» باعدارلاماسى ارقىلى كوپتەن كۇتكەن باسپاناسىنا قول جەتكىزگەن تۇرعىننىڭ ءبىرى – باحىتكۇل نۇرمەتوۆا. ول ەكى بالانى اسىراپ وتىرعان جالعىزباستى انا. وسىدان بىرنەشە جىل بۇرىن تۇرعىن ءۇي كەزەگىنە مەملەكەتتىك قىزمەتكەر ساناتىمەن تىركەلگەن ەكەن.

اتالعان باعدارلاما بويىنشا جىل سوڭىنا دەيىن ينفراقۇرىلىمدىق كوممۋنالدىق قىزمەتتەرى قوسىلعان تاعى 14 ءۇي پايدالانۋعا بەرىلەدى.