قالا دامۋىنىڭ نەگىزگى كورسەتكىشى 8 ولشەممەن ولشەنەتىن بولسا، سونىڭ ءبىرى اۋىلشارۋشىلىعى سالاسى. شىمكەنتتە اۋىلشارۋاشىلىعى ءونىمىنىڭ كولەمى وتكەن جىلى توعىز ايدا 27 ملرد تەڭگە بولسا، بيىل سول ۋاقىت ارالىعىندا 34،1 ملرد تەڭگەگە جەتتى.

ءوسىم 1،6 پايىزدى قۇرايدى. قالا دامۋىنىڭ نەگىزگى كورسەتكىشى 8 ولشەممەن ولشەنەتىن بولسا، سونىڭ ءبىرى اۋىلشارۋشىلىعى سالاسى. شىمكەنتتە اۋىلشارۋاشىلىعى ءونىمىنىڭ كولەمى وتكەن جىلى توعىز ايدا 27 ملرد تەڭگە بولسا، بيىل سول ۋاقىت ارالىعىندا 34،1 ملرد تەڭگەگە جەتتى. ءوسىم 1،6 پايىزدى قۇرايدى. 

شىمكەنت اكىمى مۇرات ايتەنوۆ «اكىم ساعاتى» باعدارلاماسىندا اۋىلشارۋاشىلىعى سالاسىندا اتقارىلعان جۇمىستاردى بايانداپ، الداعى جوسپارلارمەن ءبولىستى. 2020-2025 جىلدارعا جوسپار قۇردىق. وندا اۋىلشارۋاشىلىعى ءونىم كولەمى 2020 جىلى – 32 ملرد، 2021 جىلى – 37 ملرد، 2022 جىلى – 42 ملرد، 2023 جىلى – 48 ملرد، 2024 جىلى – 55 ملرد، 2025 جىلى – 62 ملرد تەڭگە بولماق.

بۇل ناتيجەگە جەتۋ ماقساتىندا بۇگىندە «اگرويندۋستريالدى ايماق»، «بوزارىق» تاماق ونەركاسىپ يندۋستريالدى ايماعىن قۇرۋ جۇمىستارى ءجۇرىپ جاتىر، - دەدى مەگاپوليس اكىمى.  

ءۇشىنشى توقسان قورىتىندىسىنا سايكەس، شىمكەنتتە اۋىلشارۋشىلىعى سالاسىنا 3،6 ملرد تەڭگە سۋبسيديا ءبولىندى. 29،3 مىڭ گەكتارعا ەگىستىك ەگىلىپ، ودان 85،4 مىڭ توننا ءونىم جينالدى. 3،5 مىڭنان اسا شارۋاقوجالىقتارى بار بولسا، ولاردا وندىرىلگەن ءونىم ىشكى جانە سىرتقى نارىقتا ساۋداعا شىقتى. 25 جىلىجاي، قارقىندى باۋ، مال بورداقىلاۋ سەكىلدى مال جانە قۇس ەتىن وندەۋ بويىنشا ينۆەستيسيالىق جوبالار ىسكە قوسۋ جوسپارلانعان. بۇگىنگى تاڭعا 15 جوبا ىسكە قوسىلعانىن جەتكىزدى.