بيىل شىمكەنت قالاسىندا تۇرعىن ۇيلەردى مودەرنيزاسيالاۋعا 1،3 ملرد تەڭگە قارجى ءبولىنىپ، 11 تۇرعىن ۇيگە اعىمداعى، 25 ۇيگە كۇردەلى جوندەۋ جۇمىستارى جۇرگىزىلدى.
بۇل جونىندە قالا اكىمى مۇرات ايتەنوۆ «اكىم ساعاتى» باعدارلاماسىندا ايتتى.
«توزىعى جەتكەن ۇيلەر رەنوۆاسيا باعدارلاماسى ارقىلى شەشىمىن تابادى. باعدارلامانىڭ ماقساتى – اۆاريالىق تۇرعىن ۇيلەردىڭ ارتۋىنا جول بەرمەۋ جانە جاڭا قالالىق ورتانى قالىپتاستىرۋ. ونى ىسكە اسىرۋ كەزىندە جايلى تۇرۋعا، دەمالۋعا جانە جۇمىس ىستەۋگە بەيىمدەلگەن، ارالاس فۋنكسياسى بار قالالىق ورتانىڭ جاڭا جوسپارلاۋ قۇرىلىمىن قۇرۋ؛ ەنەرگيالىق ءتيىمدى كوپپاتەرلى تۇرعىن ۇيلەردى سالۋ، ولاردى پايدالانۋ شىعىندارىن ازايتۋ؛ ەكولوگيالىق جاعدايدى جاقسارتۋ؛ ينجەنەرلىك ينفراقۇرىلىمدى جاڭارتۋ جانە جاڭعىرتۋ؛ شىمكەنت قالاسىنىڭ قازىرگى زامانعى ساۋلەتتىك كەلبەتىن قالىپتاستىرۋ كوزدەلىپ وتىر» - دەدى اكىم.
سونىمەن بىرگە، قالا تۇرعىندارىن كوپ قاباتتى تۇرعىن ۇيلەرگە ارنالعان جاڭا باسقارۋ جۇيەسىنە وتۋگە شاقىردى. جاي سەرىكتەستىك نەمەسە پاتەر يەلەرىنىڭ بىرلەستىگىن قۇرۋ ارقىلى تۇرعىن ءۇيدىڭ تازالىعىن، جوندەۋ جۇمىستارىن شەشىپ، ورتاق مۇلىككە جاۋاپكەرشىلىكپەن قاراۋعا مۇمكىندىك تۋاتىنىن ايتتى.
پىكىر قالدىرۋ