شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن ينۆەستيسيالىق شتابتىڭ كەزەكتى وتىرىسى ءوتتى. جيىندا جاڭا جوبالار مەن وزەكتى ماسەلەلەر، 2021 جىلدىڭ 9 ايىندا نەگىزگى كاپيتالعا سالىنعان ينۆەستيسيالاردىڭ يگەرىلۋى جانە حاتتامالىق تاپسىرمالاردىڭ ورىندالۋ بارىسى تالقىعا ءتۇستى.

«Zoom» جۇيەسى ارقىلى ينۆەستورلار جاڭا جوبالارىن ۇسىندى. نەگىزىنەن قۇرىلىس، ساۋدا، الەۋمەتتىك نىساندار، كوپقاباتتى تۇرعىن ءۇي باعىتىندا، جالپى 10-نان استام جوبا تانىستىرىلدى.

اتاپ ايتقاندا، ترانسفورماتور جانە ەلەكتر تەحنيكالىق قۇرىلعىلار ءوندىرۋ زاۋىتى، «قۇرىلىس سەرۆيس – سك» ج ش س تەمىر-بەتون بۇيىمدارى، Luhta كومپانياسىنىڭ كيىم ساۋدا ءۇيى، «مەلنيچنو-پرومىشلەننايا كومپانيا» ج ش س قويمالار، ساۋدا جانە لوگيستيكالىق عيماراتتار، «S.V.U.group» ج ش س اۆتوسالون جانە اۆتوقىزمەت، «GREEN CROSS ECO» ج ش س ءينسۋليندى ينەلەر ءوندىرىسى، «NTR» ءجشس-نىڭ كوپقاباتتى تۇرعىن ءۇي، سايرام تۇرعىن الابىندا 1200 ورىندىق مەكتەپ قۇرىلىسى، 1200 ورىنعا لايىقتالعان زياتكەرلىك Diplomat School مەكتەبى قۇرىلىسى جوبالارى ۇسىنىلدى.

«تاسساي» يندۋستريالدى ايماعىندا ورنالاسقان «GREEN CROSS ECO» ج ش س جىلىنا 200 ملن دانا شپريستەرگە ارنالعان ينسۋليندى ينەلەر شىعارۋعا مۇمكىندىگى بار. بۇگىندە قۇرىلىس مونتاج جۇمىستارى 100 % تولىق اياقتالدى. ءقازىر يجەنەرلىك جۇيەلەرمەن قامتۋ جۇمىستارى اتقارىلۋدا.

جوبا قۇنى 600 ملن تەڭگە قۇرايتىن تەمىر-بەتون بۇيىمدارى ءوندىرىسىنىڭ باسشىلارى ينفراقۇرىلىم جۇيەلەرىن تارتىپ بەرۋدى سۇرادى.
ال ترانسفورماتور جانە ەلەكتر تەحنيكالىق قۇرىلعىلار جوباسىن 2022 جىلى جۇزەگە اسىرۋ جوسپارلانىپ وتىر. 1،02 ملرد تەڭگە ينۆەستيسيا تارتىلماق. كاسىپكەرلەرگە «وڭتۇستىك» ارنايى ەكونوميكالىق ايماقتان جەر بەرۋ قاراستىرىلۋدا.

جاڭا ءوندىرىس ورىندارى قالامىز ءۇشىن ماڭىزدى ەكەنىن ايتقان قالا باسشىسى ۇسىنىلعان جوبالارعا قولداۋ كورسەتىلەتىنىن ايتتى.