شىمكەنتتە الەۋمەتتىك قورعاۋ جۇيەسى قىزمەتكەرلەرى كۇنىنە ارنالعان سالتاناتتى شارا ۇيىمداستىرىلدى.

قالادا جۇمىسپەن قامتۋ جانە الەۋمەتتىك قورعاۋ باسقارماسىنا قاراستى 10 مەكەمەدە 1200-گە جۋىق الەۋمەتتىك قىزمەتكەر جۇمىس ىستەيدى. بۇگىندە شاھاردا ەرەكشە كۇتىمدى قاجەت ەتەتىن 2 176 ازامات بولسا، ونىڭ 438ء-سى بالالار. مەكەمە ماماندارى وسىنداي جاندارعا ارنايى الەۋمەتتىك قىزمەت كورسەتۋدە.

بيىل قالانىڭ الەۋمەتتىك سالاسىندا اۋقىمدى جۇمىستار اتقارىلدى. ارنايى-الەۋمەتتىك ورتالىقتاردىڭ ماتەريالدىق-تەحنيكالىق بازاسى نىعايتىلىپ، مۇمكىندىگى شەكتەۋلى جاندار ءۇشىن «تەڭ قوعام» ورتالىعى اشىلدى.

مەرەكەلىك جيىندا باسقارما باسشىسى بالمارجان ناربەكوۆا الەۋمەتتىك قىزمەتكەرلەردى كاسىبي مەرەكەمەن قۇتتىقتاپ، ەرەن ەڭبەكتەرىنە العىس ايتتى.

– بۇگىندە حالىقتىڭ الەۋمەتتىك احۋالىن كوتەرىپ، تۇرمىسىن تۇزەتۋ مەملەكەتتىڭ باستى مىندەتتەردىڭ ءبىرى. بۇل سالانى دامىتۋعا مەملەكەتتەن قولداۋ دا جەتكىلىكتى. بۇقارانىڭ سول كومەكتىڭ شاراپاتىن سەزىنىپ، مۇمكىندىكتى ءمۇلت جىبەرمەي پايدالانۋى الەۋمەتتىك سالا قىزمەتكەرلەرىنىڭ ساپالى قىزمەتىنە تىكەلەي بايلانىستى. سەبەبى، الەۋمەتتىك جۇمىستىڭ سالماعى وزگەگە بىلىنبەيتىن، بىلىكتىلىكپەن بىرگە كەڭ جۇرەكتى قاجەت ەتەتىن كۇردەلى سالا،-دەدى ب.ناربەكوۆا.

مەرەكەلىك باسقوسۋدا ءبىرقاتار الەۋمەتتىك قىزمەتكەرگە قالا اكىمى م.ايتەنوۆتىڭ، قالالىق ءماسليحاتى مەن «Nur Otan» پارتياسىنىڭ «العىس حاتى» تابىستالدى. سالتاناتتى كەش ونەر مايتالماندارىنىڭ كونسەرتتىك باعدارلاماسىنا جالعاستى.