شىمكەنت قالاسى اكىمىنىڭ ورىنباسارى ەرعالي بىلىسبەكوۆ الەۋمەتتىك سالا قىزمەتكەرلەرى كۇنى قارساڭىندا ازاماتتاردى الەۋمەتتىك ماڭىزدى ماسەلەلەرىمەن قابىلدادى. ونلاين قابىلداۋدا بولعان جانداردىڭ وتىنىشتەرى سان ءتۇرلى. باسىم كوپشىلىگى باسپانا، جۇمىسپەن قامتۋدى، قوعامدىق جۇمىس جانە اتاۋلى الەۋمەتتىك كومەك الۋعا ىقپال ەتۋدى وتىنگەن.

ازاماتتاردىڭ ءبىرى قوعامدىق جۇمىستىڭ جالاقىسىن كوتەرۋ ماسەلەسىن دە كوتەردى. الايدا ەڭبەك اقىسى جوعارى بولاتىن تۇراقتى جۇمىسقا ورنالاستىرۋ ۇسىنىسىن 40 جاستاعى ازامات قابىلداعىسى كەلمەدى. ەرعالي داۋلەتبەك ۇلى ءوز كەزەگىندە ءار ازاماتتى جەكە تىڭداپ، ءتيىستى باسقارما باسشىلىعىنا ماسەلەلەردى زاڭ اياسىندا شەشۋدى تاپسىردى. وتىنىشتەردىڭ شەشىمى ءجىتى باقىلاۋعا الىندى.

قابىلداۋدان سوڭ اكىم ورىنباسارى شىمكەنت قالاسىنداعى №6 بالالار ارناۋلى الەۋمەتتىك قىزمەتتەر كورسەتۋ ورتالىعىنا باردى. ەرعالي بىلىسبەكوۆ ورتالىقتىڭ قىزمەت كورسەتۋ ساپاسىن باقىلاپ، قىزمەتكەرلەرىن كاسىبي مەرەكەلەرىمەن قۇتتىقتادى.

بارلىقتارىڭىزعا ەرەن ەڭبەكتەرىڭىز ءۇشىن، قيىندىققا قاراماي توزىمدىلىك، قامقورلىق تانىتىپ جۇرگەندەرىڭىزگە العىسىمدى بىلدىرەمىن. الداعى ۋاقىتتا دا قىزمەتتەرىڭىزگە اسقان جاۋاپكەرشىلىكپەن قاراپ، بالالارعا مەيىرىمدى جاناشىر بولاسىزدار دەگەن سەنىمدەمىن. مۇنداعى ءار بالا ەرەكشە ىستىق ىقىلاس پەن نازارعا مۇقتاج ەكەنىن وزدەرىڭىز دە بىلەسىزدەر. ولار ەشتەڭەدەن تاپشىلىق كورمەۋلەرى قاجەت. نە قاجەت بولسا ايتىڭىزدار. اسىرەسە دۇرىس تاماقتانۋلارىن، ساپالى ەم قابىلداۋلارىن قامتاماسىز ەتۋىمىز كەرەك. ەت، جەمىس-جيدەكتى تىكەلەي جەتكىزۋشىلەردەن ۇزبەڭىزدەر. بۇل بۇلدىرشىندەرگە قامقورلىق تانىتىپ، قولداۋ كورسەتۋ بارلىعىمىزدىڭ ازاماتتىق مىندەتىمىز،-دەدى ەرعالي بىلىسبەكوۆ.

قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى №6 بالالار ارناۋلى الەۋمەتتىك قىزمەتتەر كورسەتۋ ورتالىعىندا بۇگىنگى تاڭدا ستاسيونارلىق ۇلگىدە 130 جانە جارتىلاي ستاسيونارلىق ۇلگىدە 95 ادامعا قىزمەت كورسەتىلۋدە. مەديسينالىق قىزمەتتەن بولەك، الەۋمەتتىك قىزمەتكەرلەر جەكە كۇتىم جانە باقىلاۋدى قاجەت ەتەتىن 1،5 جاستان 18 جاسقا دەيىنگى پسيحونيەۆرولوگيالىق اۋىتقۋلارى بار بالالارعا ءۇي جاعدايىنا جاقىن قامقورلىق جاساۋدا. ەمدىك ماسساج، فيزيوەمدەۋ، مونتەسسوري كابينەتى مەن ءتۇرلى دارىگەرلىك كومەكتەر كورسەتىلەدى.

كۇندەلىكتى بالالاردىڭ دەنساۋلىعى تەكسەرىلىپ، ەمدىك-ساۋىقتىرۋ شارالارى جۇرگىزىلۋدە. الداعى ۋاقىتتا قوسىمشا ەمدىك دەنە شىنىقتىرۋ كابينەتى اشىلماق. قاجەتتى وڭالتۋ جانە مەديسينالىق قۇرال-جابدىقتارمەن قامتاماسىز ەتىلەتىن كابينەتتە مۇمكىندىگى شەكتەۋلى بالالاردىڭ جاعدايى ەسكەرىلە وتىرىپ، تىرەك-قيمىل جانە جۇيكە-جۇيەسىندەگى اۋرۋلارعا وڭالتۋ شارالارى كورسەتىلەدى . سونىمەن قاتار بۇل كابينەتتە بالانىڭ جۇيكەسىن تىنىشتالدىرۋ ماقساتىندا مۋزىكالىق تەحنيكالار قامتاماسىز ەتىلمەك. ورتالىق تولىعىمەن بەينەباقىلاۋ كامەرالارىمەن قامتىلعان. بۇگىنگى تاڭدا عيماراتقا كۇردەلى جوندەۋ جۇمىستارىن جۇرگىزۋ ماقساتىندا، جوبالىق دايىندىق جۇمىستارى جۇرگىزىلۋدە.

قالا باسشىسىنىڭ ورىنباسارى ارالاۋ بارىسىندا سونداي-اق، قالالىق جۇمىسپەن قامتۋ جانە الەۋمەتتىك قورعاۋ باسقارماسى باسشىسىنا الەۋمەتتىك نەمەسە مەديسينالىق ماماندار تاراپىنان قانداي دا ءبىر كەمشىلىك ورىن العان جاعدايدا قاداعالاۋ ورگاندارىمەن جان-جاقتى تەكسەرۋ جۇرگىزىپ، قاتاڭ شارالار قابىلداۋدى تاپسىردى. مەديسينا قىزمەتكەرلەرىنە قاتىستى تالاپ تا كۇشەيتىلمەك.