اقتاۋ قالاسىنداعى نازاربايەۆ زياتكەرلىك مەكتەبىنىڭ 40 وقۋشىسى «تۋعان ەلگە تاعزىم -2021» ولكەتانۋ-زەرتتەۋشىلىك ەكسپەديسياسىنا قاتىسىپ، كيەلى ءوڭىردى زەرتتەدى. قاراشانىڭ 1ء-ى مەن 5ء-ى ارالىعىندا وقۋشىلار ماڭعىستاۋ ولكەسىنىڭ فلوراسى مەن فاۋناسى، تاريحي ورىندارى، كيەلى مەكەندەرى مەن ءوندىرىس ورىندارىن ارالاپ، ءوڭىر تىنىسىن ءوز كوزدەرىمەن كوردى.

• ماعان «تۋعان ەلگە تاعزىم» ەكسپەديسياسى اياسىندا ءوڭىردىڭ ءوندىرىس ورىندارىنا بارعانىمىز ەرەكشە ۇنادى. ماڭعىستاۋ وڭىرىندە شەت ەلگە ەكسپورتتالاتىن ونىمدەردى كورۋ ءبىز سەكىلدى جاستارعا سەرپىن بەرەدى جانە تەوريالىق تۇرعىدان وتكەن پروسەسستەرى، ەلەمەنتتەردى ءوز كوزدەرىمىزبەن كوردىك، - دەيدى ەكسپەديسيا قاتىسۋشىسى قانات ساقپايەۆ.

تانىمدىق جوبانىڭ العاشقى كۇنىندە بالالار ولكە تۋرالى جالپى ماعلۇمات جيناۋدان باستاسا، ەكىنشى كۇنى ولكەنىڭ فلوراسى مەن فاۋناسىن زەرتتەۋگە اتتاندى. بۇل كۇنى زياتكەرلەر قاراكول كولىنە، كاسپيي يتبالىقتارىن وڭالتۋ ورتالىعىنا، ستراۋس فەرماسىنا جانە، بوتانيكالىق باققا باردى. ال ءۇشىنى كۇنى وڭىردەگى بيتۋم شىعارۋ زاۋىتى مەن اممياك زاۋىتىن كوردى. ال ءتورتىنشى كۇنى ساپار ءسۇلتان ءۇپى، شاقپاق اتا جەراستى مەشىتتەرى مەن «وتپان تاۋ» تاريحي مادەني كەشەنىنە ساياحاتپەن جالعاسىن تاپتى.

«تۋعان ەلگە تاعزىم» تاريحي-ولكەتانۋ زەرتتەۋشىلەر ەكسپەديسياسى «نازاربايەۆ زياتكەرلىك مەكتەپتەرى» دبۇۇ باستاماسىمەن جىل سايىن وتكىزىلىپ كەلەدى. ەكسپەديسيانىڭ باستى ماقساتى – زياتكەرلەردىڭ تۋعان ەلگە سۇيىسپەنشىلىگىن ارتتىرىپ، پاتريوتتىق تاربيە بەرىپ قانا قويماي، قازاقستاننىڭ وندىرىستىك الەۋەتىن تانىتۋ جانە بالالاردى زەرتتەۋ جۇمىستارىن جۇرگىزۋگە باعىتتاۋ.