شىمكەنت قالاسىنداعى №2 اۋرۋحانا بازاسىندا كوروناروگرافيا ادىسىمەن حيۋرگيالىق ەمدىك جۇمىستارى بەلسەندى جۇرگىزىلۋدە.

سوڭعى ءبىر ايدىڭ ىشىندە اۋرۋحانانىڭ باس دارىگەرى اسقار راحماتالييەۆتىڭ جەتەكشىلىگىمەن 20 ناۋقاسقا جۇرەك-قان تامىرلارى بويىنشا تىلىكسىز وتا جاسالعان.

دارىگەرلەردىڭ سوزىنشە، كوروناروگرافيا – جۇرەكتىڭ يشەميالىق اۋرۋىن انىقتاۋدىڭ تىڭ ءادىسى. الەم بويىنشا وسى دەرتتەن پايدا بولاتىن ءولىم-جىتىمنىڭ سانى كۇرت وسكەن بولاتىن. الايدا، سوڭعى جىلدارىمەديسينادىعى تىڭ تاسىلدەردىڭ ارقاسىندا ءولىم سانى باسەڭدەگەن.

–كوروناگرافيا ادىسىمەن قالالىق №2ء-شى اۋرۋحاناسىندا كۇنىنە ەكى-ۇش ناۋقاسقا وتا جاسايمىز. امبۋلاتورلى كورونوگرافيانىڭ پايداسى كوپ. بۇرىن جۇرەك-قان تامىرلارىن كورۋ ءۇشىن كوپ دارىگەردىڭ قاتىسۋى كەرەك بولاتىن. بۇگىندە جەرگىلىكتى انەستازيا ارقىلى امبۋلاتورلى تۇردە ناۋقاستى اۋرۋحاناعا جاتقىزباي، جۇرەكتىڭ قان تامىرلارىن كورىپ شىعۋعا مۇمكىندىك بار.

ەڭ باستىسى – ەشقانداي اۋىرسىنۋسىز، كەرى اسەر بايقالماي، 2-3 ساعات ىشىندە ناۋقاس امان-ەسەن ۇيىنە ورالادى. كەز-كەلگەن ۋاقىتتا ناۋقاستى ستاسيونارعا جاتقىزۋعا بولادى،-دەيدى رەنتگەنحيرۋرگ دارىگەرى سەرىك كەرىمقۇلوۆ.

كورونارگرافيا ءداسىنىڭ 99 پايىزى جەڭىل، ءارى ءساتتى وتۋدە. وپەراسيا كەزىندە ناركوز بەرىلمەي، قان تامىرىنىڭ زاقىمدانۋىنا قاراي حيرۋرگيالىق ەم 15-20 مينۋت ىشىندە جاسالادى.