شىمكەنتتە 81 ەلدى مەكەننىڭ 40-ى تابيعي گازبەن قامتىلعان، 33 ەلدى مەكەن جارتىلاي، ال 8-ىندە گاز جۇيەسى تارتىلماعان.

بيىل تۇرعىنداردى كوگىلدىر وتىنمەن قامتۋ ءۇشىن 1 گاز تاراتۋ ستانسياسى مەن 4 ماگيسترالدى جانە 13 ەلدى مەكەننىڭ ىشكى ورامدىق جۇيەسىنىڭ قۇرىلىسى جۇرۋدە.

جىل سوڭىنا دەيىن اۆتوماتتاندىرىلعان گاز تاراتۋ ستانسياسى (اگرس-3)، قايناربۇلاق جانە ازات ش/ا ماگيسترالدى قۇبىر تارتىلىپ، 5 ەلدى مەكەندە ىشكى جۇيەنىڭ قۇرىلىسى اياقتالادى. ناتيجەسىندە التىنتوبە، بادام 195 ورام، دوستىق (2-كەزەك)، اسار-2، ازات شاعىن اۋدانىندا 11 مىڭنان استام ادام تابيعي گازگە قول جەتكىزىپ، قامتىلۋ كورسەتكىشى 92،2%-دان، 93%-عا وسەدى.

اقتاس ماگيسترالدى قۇبىرى مەن باتىس، اقتاس، اقجار، ارعىماق، اقتاس-2، ساۋلە، نۇرتاس، كوكبۇلاق جانە تاسساي شاعىناۋداندارىنىڭ قۇرىلىسى 2022 جىلعا وتپەلى.

شىمكەنتتە 2022-2025 جىلدارعا قالا تۇرعىندارىن ينفراقۇرىلىممەن قامتۋ جوسپارىنا سايكەس، بارلىق ەلدى مەكەندەردىڭ ىشكى جۇيەلەر قۇرىلىسىن جۇرگىزۋ جوسپارلانۋدا. 2025 جىلى گاز ماسەلەسى تولىعىمەن شەشىلىپ، قامتۋ كورسەتكىشى 100 پايىزعا جەتەدى.