شىمكەنت قالاسىندا 2020 جىلعا دەيىن 6 ملن جاسىل جەلەك بار بولاتىن. بيىل 9 ايدا تاعى 300 مىڭ اعاش كوشەتتەرى وتىرعىزىلدى. 2021-2025 جىلدار ارالىعىندا 6،5 ملن. جاسىل جەلەك ەگۋ جوسپارلانۋدا. ناتيجەسىندە 2025 جىلعا قالا اۋماعىندا 12،5 ملن. جاسىل جەلەك بولادى.
بۇگىندە قالادا 9 ساياباق، 39 گۇلزار بار. مەگاپوليستى اباتتاندىرۋ جانە قورشاعان ورتانىڭ ەكولوگيالىق جاعدايىن جاقسارتۋ ماقساتىندا «الاتاۋ» ساياباعىنىڭ قۇرىلىسى جۇرگىزىلىپ، پايدالانۋعا بەرىلدى.
قالا اكىمىنىڭ تاپسىرماسىنا سايكەس، شىمكەنت قالاسىنىڭ كوگالداندىرۋ جوسپارى ازىرلەنۋ ۇستىندە.
جوسپارعا سايكەس، قالا بويىنشا اتموسفەرالىق اۋانىڭ جاي-كۇيى جونىندە حالىقتى حاباردار ەتۋ ءۇشىن اۋانىڭ لاستانۋىن قاداعالايتىن 10 داچيك ورناتىلادى. ول اقپاراتتار قالاداعى LED ەكران ارقىلى جاريالانىپ تۇراتىن بولادى.
پىكىر قالدىرۋ