مەديسينالىق قىزمەت ءۇش دەڭگەيلى جۇيە بويىنشا كورسەتىلەدى. بارلىعىنا ارنالعان مەديسينالىق قىزمەتتەردىڭ بازالىق تەگىن پاكەتى، ساقتاندىرىلعاندار ءۇشىن ءمامس پاكەتى جانە قوسىمشا قىزمەتتەردى العىسى كەلەتىندەر ءۇشىن ەرىكتى مەديسينالىق ساقتاندىرۋ.

سونىمەن، تەگىن مەديسينالىق كومەكتىڭ كەپىلدىك بەرىلگەن كولەمىنە نە كىرەدى؟

- تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىنە العاشقى مەديسينالىق – سانيتارلىق كومەك كىرەدى، ول ساقتاندىرۋعا قاتىساتىنىنا نەمەسە قاتىسپايتىنىنا قاراماستان بارلىعىنا تەگىن بەرىلەتىن بولادى، ويتكەنى العاشقى مەديسينالىق – سانيتارلىق كومەك دەڭگەيىندە بازالىق مەديسينالىق قىزمەتتەرمەن جاپپاي قامتۋ-بۇل دەنساۋلىق ساقتاۋدىڭ قولجەتىمدىلىگىن بىلدىرەتىن جالپى الەمدىك ستاندارت.

العاشقى مەديسينالىق – سانيتارلىق كومەك دەڭگەيىندە نىسانالى سكرينينگتەر، جۇكتى ايەلدەردى باقىلاۋ، ءبىر جاسقا دەيىنگى بالالاردى پاتروناجداۋ جانە سوزىلمالى اۋرۋلارى بار حالىقتى ديناميكالىق باقىلاۋ، الەۋمەتتىك ءمانى بار اۋرۋلاردى ەمدەۋ جۇرگىزىلەتىن بولادى.

سونداي — اق جەدەل جاردەم مەن سانيتاريالىق اۆياسيا، كەزەك كۇتتىرمەيتىن كومەك، بەلگىلى ءبىر اۋرۋلار كەزىندە امبۋلاتوريالىق دارى-دارمەكپەن قامتاماسىز ەتۋ، الەۋمەتتىك ماڭىزى بار جانە ديناميكالىق بايقاۋعا جاتاتىن اۋرۋلار كەزىندە-جوسپارلى ستاسيوناردى الماستىراتىن جانە ستاسيونارلىق كومەك، تۋبەركۋلەز كەزىندە مەديسينالىق وڭالتۋ كورسەتىلەتىن بولادى.

ءبىرقاتار سوزىلمالى اۋرۋلار بار:

- بۇل جۇرەك-قانتامىر جۇيەسىنىڭ اۋرۋلارى، ارتەريالىق گيپەرتونيا، برونح دەمىكپەسى نەمەسە وكپەنىڭ سوزىلمالى وبسترۋكتيۆتى اۋرۋى، قانت ديابەتى جانە تاعى باسقا تىنىس الۋ ورگاندارىنىڭ اۋرۋلارى.

وسىلايشا، شۇعىل ارالاسۋدى تالاپ ەتەتىن بارلىق نارسە – بۇل تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە، ال تەگىن قىزمەتتەردىڭ كەپىلدىك بەرىلگەن كولەمىنەن تىس قىزمەت كورسەتۋدىڭ جوعارى ستاندارتتارى،  قوسىمشا، قىمبات، سيرەك كورسەتىلەتىن قىزمەتتەر – بۇل مىندەتتى الەۋمەتتىك مەديسينالىق ساقتاندىرۋ جۇيەسىنە كىرەدى.

- مىندەتتى الەۋمەتتىك مەديسينالىق ساقتاندىرۋ اياسىندا قانداي مەديسينالىق قىزمەتتەر كورسەتىلەدى؟

- مىندەتتى الەۋمەتتىك مەديسينالىق ساقتاندىرۋ پاكەتىنە ادامنىڭ ءومىر ءسۇرۋ ساپاسىن جاقسارتۋعا باعىتتالعان مەديسينالىق قىزمەتتەر، سونداي-اق بولاشاق ۇرپاقتىڭ دەنساۋلىعى ءۇشىن نەگىز قالايتىن مەديسينالىق كومەك كىرەتىن بولادى.

مىندەتتى الەۋمەتتىك مەديسينالىق ساقتاندىرۋ پاكەتىنە، كونسۋلتاسيالىق-دياگنوستيكالىق كومەك: دەنى ساۋ ەرەسەكتەردى پروفيلاكتيكالىق تەكسەرۋ، بالالاردى مامانداندىرىلعان تەكسەرۋ، 18 جاسقا دەيىنگى بالالارعا، مۇگەدەكتەرگە، زەينەتكەرلەرگە، كوپ بالالى انالارعا ارنالعان ستوماتولوگيا. قىمبات زەرتحانالىق قىزمەتتەر: گورموندار، دارۋمەندەر، ونكوماركەرلەر، انتيگەندەر، پتر، كت، مرت جانە ت. ب. تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىنەن تىس اۋرۋلار كەزىندە امبۋلاتوريالىق دارىلىك قامتاماسىز ەتۋ، تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىنە كىرمەيتىن اۋرۋلار كەزىندە ستاسيوناردى الماستىراتىن كومەك، تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىنە كىرمەيتىن اۋرۋلار كەزىندە جوسپارلى ستاسيونارلىق كومەك، ەرەسەكتەر مەن بالالارعا مەديسينالىق وڭالتۋ ءپروفيلى بويىنشا: كارديولوگيا، كارديوحيرۋرگيا، نيەۆرولوگيا، نەيروحيرۋرگيا، تراۆماتولوگيا جانە ورتوپەديا كومەگى كورسەتىلەدى.

- ايتا كەتەرلىك، تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىنەن تىس اۋرۋلار بويىنشا امبۋلاتوريالىق دارى-دارمەكپەن قامتاماسىز ەتۋ مىندەتتى الەۋمەتتىك مەديسينالىق ساقتاندىرۋ ەسەبىنەن جۇزەگە اسىرىلاتىن بولادى. ساقتاندىرۋ جۇيەسىنە جارنا نەعۇرلىم كوپ كەلەتىن بولسا، سوعۇرلىم بۇل تىزبە كەڭەيە تۇسەدى

سۇراقتار بويىنشا كولل ورتالىققا قوڭىراۋ شالۋعا بولادى -1406.

«مىندەتتى الەۋمەتتىك مەديسينالىق

ساقتاندىرۋ قورى» كەاق

 شىمكەنت قالاسى بويىنشا

 فيليالىنىڭ، «حالىقتى اقپاراتتاندىرۋ

جانە ارىز-شاعىمداردى قاراۋ»ءبولىمىنىڭ باسشىسى        ا.س. بەدەن