اتىراۋ قالاسى بالاۋسا شاعىناۋدانىنداعى جەكە تۇرعىن ۇيدە تابيعي گازدىڭ جىلىتۋ قازاندىعى جارىلدى، دەپ حابارلادى ءوڭىردىڭ توتەنشە جاعدايلار دەپارتامەنتى. 

وقيعا 10 قاراشا كۇنى تۇنگى ساعات تۇنگى 1-شاماسىندا بولعان. وقىس وقيعا سالدارىنان 120 شارشى مەتر بولاتىن ءۇي وتقا ورانعان.

جارىلىس سالدارىنان 3 ادام زارداپ شەگىپ، وبلىستىق اۋرۋحاناعا جەتكىزىلگەن. 

اتىراۋ وبلىستىق دەنساۋلىق ساقتاۋ باسقارماسىنىڭ ءۇش ناۋقاستىڭ جاعدايىن حابارلادى. 

" ەكى 2002 جىلعى جىگىتتىڭ ءبىرى 90 پايىز دەنە كۇيىگىن العان، ەكىنشى 2002 جىلعى جىگىتتىڭ دەنەسى 85-90 پايىزعا كۇيىپ قالعان. ەكى پاسيەنت تىنىس الۋ جولدارىنىڭ بۇزىلۋىنا بايلانىستى ۆەنتيلياتورعا قوسىلدى.

1999 جىلى تۋعان قىز دارىگەرلەردىڭ باقىلاۋىمەن نەيروتراۆماتولوگيا بولىمشەسىندە جاتىر، ناۋقاس دەنەسىنىڭ 25-30 پايىزىن كۇيىك شالعان" دەلىنگەن حابارلامادا. 

ءورت تۇنگى ساعات 2-دەن 15 مينۋت وتكەندە وقشاۋلانىپ، ساعات 2-دەن 40 كەتكەندە وشىرىلگەن. قىزىل جالىندا سوندىرۋگە توتەنشە جاعدايلار دەپارتامەنتىنىڭ 16 قىزمەتكەرى، 6 تەحنيكا جانە جەدەل جاردەم بريگاداسىنىڭ 9 ادامى، 3 تەحنيكاسى جۇمىلدىرىلعان.