دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ باسشىسى ايجان ەسماعامبەتوۆا ساۋدا-ويىن-ساۋىق ورتالىقتارىنا قاشان ماسكاسىز كىرۋگە بولاتىنى ايتتى.

ەسماعامبەتوۆانىڭ سوزىنشە، Ashyq قوسىمشاسىندا "جاسىل" مارتەبەسى بار قازاقستاندىقتار ءۇشىن ساۋدا ورتالىقتارىنا ماسكامەن كىرۋ ەرەجەسى ساقتالادى.

– جوق، ماسكا كيۋ مىندەتتى. ۆاكسينا سالدىرعان ادام قايتا اۋرۋى مۇمكىن. سوندىقتان بۇل – وتە ءقاۋىپتى. دەگەنمەن ۆاكسيناسيالانعانداردا ىندەت جەڭىل وتەدى. ينفەكسيانى  جۇقتىرۋى ءقاۋپى دە تومەن، – دەدى ەسماعامبەتوۆا ۇكىمەت وتىرىسىنىڭ كۋلۋارىندا. 

ەسكە سالساق، 2021 جىلعى ساۋىردە دەنساۋلىق ساقتاۋ ءمينيسترى الەكسەي سوي ۇجىمدىق يممۋنيتەتتى قالىپتاستىرۋ ءۇشىن ۆاكسيناسيالاۋدىڭ 60 پايىزدىق شەگىنە جەتۋ كەرەكتىگىن مالىمدەگەن. سودان كەيىن ول ماسكا رەجيمىن الىپ تاستاۋدى قاراستىراتىنىن ايتقان.