جامبىلداعى جارالىس كەزىندە ءىز-تۇزسىز جوعالعان سەرجانت باۋىرجان داۋىتبايەۆ ءالى تابىلعان جوق.
اسكەري بولىمدە قىزمەت ەتكەن 34 جاستاعى سەرجانت باۋىرجان داۋىتبايەۆ ءورتتى وشىرۋگە العاشقى اتتانعانداردىڭ ءبىرى بولعان. ونى ىزدەۋ جۇمىستارى ەكى ايعا جۋىقتادى. الايدا ەشقانداي ناتيجە جوق.
– سەرجانت داۋىتبايەۆتى ىزدەستىرۋ توقتاتىلعان جوق، ءتيىستى شارالار جالعاسىپ جاتىر. وعان قارۋلى كۇشتەردىڭ اسكەريلەرى عانا ەمەس، ۇلتتىق ۇلان ساربازدارى دا قاتىسىپ جاتىر، – دەدى قورعانىس ءمينيسترىنىڭ ورىنباسارى رۋسلان شپەكبايەۆ.
ونىڭ ايتۋىنشا، اسكەري قويمانىڭ اۋماعى تولىق قارالعان. بۇگىندە ماماندار ول جەردەگى توپىراقتاردى ەلەكتەن وتكىزىپ جاتىر.
ەسكە سالساق، 26 تامىز كۇنى كەشكى ۋاقىتتا جامبىل وبلىسى بايزاق اۋدانىندا ورنالاسقان اسكەري ءبولىم قويمالارىنىڭ بىرىندە ءورت شىعىپ، ارتىنشا وق-دارىلەر جارىلعان.
جارىلىس سالدارىنان 17 ادام قازا تاۋىپ، اسكەري ءبولىم ماڭىنداعى قاينار اۋىلىنداعى عيماراتتار بۇلىنگەن.
حابار-وشارسىز كەتكەن 34 جاستاعى سەرجانت باۋىرجان داۋىتبايەۆ ءالى تابىلمادى.
پىكىر قالدىرۋ