حالىقپەن كەرى بايلانىس ورناتۋ جانە ماسەلەلەردى تۇرعىندارمەن بىرگە تالقىعا سالۋ ماقساتىندا، شىمكەنت قالاسى اباي اۋدانىنىڭ اكىمى بۇحارباي پارمانوۆ قالا اكىمدىگىنىڭ @akimat_shymkent ينستاگرام پاراقشاسىندا تىكەلەي ەفيرگە شىقتى. ەفير بارىسىندا اۋدان اۋماعىن ينفراقۇرىلىممەن قامتۋ جونىندە اتقارىلعان جۇمىستاردى باياندادى.

اۋدانعا 2014 جىلى 10 ەلدى مەكەن قوسىلعان. الايدا شالعاي اۋدانداردى ينفراقۇرىلىممەن قامتۋ ماسەلەسى قالا اكىمى مۇرات ايتەنوۆتىڭ تاپسىرماسى نەگىزىندە 2020 جىلدان باستاپ قولعا الىنعان. قىسقا مەرزىمدە 461 ملن. تەڭگەگە جسق-لار ازىرلەنىپ، قازىردە قۇرىلىس جۇمىستارى قىزۋ جۇرگىزىلۋدە.

اۋداندا 34 ەلدى مەكەننىڭ 24ء-ى ساپالى سۋمەن قامتىلعان، 10 ەلدى مەكەن ۇنعىما سۋىن پايدالانىپ كەلگەن. 2020 جىلى جاڭاتالاپ، يگىلىك، تاۋەلسىزدىككە – 20 جىل، كوكبۇلاق، قىزىلجار تۇرعىن الابىندا قۇرىلىسى باستالىپ، بيىل پايدالانۋعا بەرىلدى. ىنتىماق-2، باتىس، نۇرشۋاق شاعىن اۋدانىنا جىل سوڭىنا دەيىن ساپالى سۋ بەرىلسە، قۇرساي مەن ارعىماق كەلەر جىلعا وتپەلى.

تىكەلەي ەفيردە ەلەكتر جۇيەسىمەن قامتۋعا دا توقتالىپ ءوتتى. اۋدان اكىمى 8 ەلدى مەكەن جەكەمەنشىك جۇيەدەن جارىق الاتىنى، ونى مەملەكەتتىك جۇيەگە وتكىزۋ ءۇشىن بيىل 3،4 ملرد تەڭگەنىڭ قۇرىلىسى جۇرگىزىلىپ جاتقانىن ايتتى.

سونىمەن قاتار اۋداندا 11 ەلدى مەكەن قاتتى وتىندى پايدالاندى. بيىل التىنتوبە، باتىس، ارعىماق، اقتاس، اقتاس-2، اقجار، كوكبۇلاق تۇرعىن الابتارىن تابيعي گازبەن قامتۋ ءۇشىن قۇرىلىس جۇمىستارى قارقىندى جۇرۋدە. ال ىنتىماق-2، نۇرشۋاق ش/ا جسق ازىرلەنۋدە، قۇرساي، مەن تاۋەلسىزدىككە 20 جىل تۇرعىن الابىنا جوبالىق سمەتالىق قۇجات ازىرلەۋ 2022 جىلعا جوسپارلانۋدا.

اۋدان اكىمى تىكەلەي ەفير بارىسىندا تۇرعىندار تاراپىنان كەلگەن 40-قا جۋىق سۇراققا جاۋاپ بەردى. سۇراقتاردىڭ باسىم بولىگى تابيعي گاز، سۋ، جارىق جانە قوعامدىق كولىك توڭىرەگىندە بولدى.