تاۋەلسىزدىكتىڭ 30 جىلدىعى قارساڭىندا مەملەكەت باسشىسىنىڭ بۇقارالىق سپورتتى دامىتۋ، بالالارعا سپورتتىق ينفراقۇرىلىمنىڭ بارىنشا قولجەتىمدى بولۋىن قامتاماسىز ەتۋ تاپسىرماسىنا سايكەس، قالادا كوپتەگەن سپورت نىساندارى اشىلىپ، تۇرعىندار يگىلىگىنە بەرىلۋدە.

بۇگىن شىمكەنت قالاسى ءبىلىم باسقارماسىنا قاراستى №74 جالپى ورتا ءبىلىم بەرەتىن مەكتەبىندە سپورتتىق الاڭشانىڭ اشىلۋ سالتاناتى بولىپ ءوتتى.

الاڭشانىڭ سالتاناتتى اشىلۋ راسىمىنە مەكتەپ ديرەكتورى يساكوۆا نۋريپا اۋەل قىزى جانە قامقورشىلىق كەڭەسىنىڭ ءتوراعاسى تولەمىس ەلىبەك حۋديار ۇلى، «كوركەم اجەلەر» توبىنىڭ مۇشەسى يسكاكوۆا انيپا، اتا-انالار، جەرگىلىكتى تۇرعىندار قاتىستى.

- ءبىلىم ورتاسىندا بىرنەشە سپورت ۇيىرمەلەرى جۇمىس ىستەيدى. ۇيىرمە جەتەكشىلەرى جاڭادان اشىلعان الاڭ ارقىلى ۆولەيبول مەن كىشى فۋتبولدى دامىتىپ، جەتىستىككە جەتەمىز دەپ وتىر. سايىپ كەلگەندە، مۇنىڭ بارلىعى دا بالالاردىڭ بولاشاعى ءۇشىن جاسالىپ وتىرعان يگىلىكتى ىستەر. ءبىلىم نارىمەن سۋسىنداعان، دەنى ساۋ ۇرپاق ەرتەڭگى ەل جۇگىن كوتەرەر ازامات بولارى حاق، - دەدى مەكتەپ ديرەكتورى ن. يساكوۆا.

بۇقارالىق سپورتتىڭ قولجەتىمدىلىگى – دەنى ساۋ ۇلت قالىپتاستىرۋدىڭ باستى شارتى. قالادا بۇل باعىتتاعى جۇيەلى ءىس-شارالار ودان ءارى جالعاسىن تاباتىن بولادى.